2 SAMUEL 23:10 - Pathien Lekhabu Inthieng (BSI)

¹⁰ Ama chu a tho a, Philistin mihai chu kut kham rak khawpin, a kâwlhnâm khawm inlet theilo rak khawpin a that a, chu ni chun LALPAIN nasatakin a ngampêk a; chun, mipuihai chu a hnungah râllâk thil la ding ngawtin an hung kîr nâwk a.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

Nisienlakhawm, ama chu chu hmuna chun a ngîr a, a vêng tlat a, Philistin mihai chu a that a, chun, LALPAIN nasatakin a ngampêk a.

2 LALHAI 5:1

Chun, Suria ram lal sipai hotu Naaman chu LALPAIN Suria mihai sanhimna dinga a lo hmang hlak leiin a hotupa ngaia chun mi ropuitak le inzaumtak el a na, ama chu mi huoisen hrâttak a ni bawk a, nisienlakhawm, ama chu inphâr a ni tlat el a.

1 CHANCHIN SUINA 11:13

Pasdammima khan David kuomah a um a, chu hmuna chun Philistin mihai chu indo dingin an inkhâwm a, chutaka chun, hmun, buṭeia sip a um a; mipuihai chu Philistin mihai hmaa chun an tlân- seh a.

INPÂKNA HLABU 108:13

Pathien zârah huoitakin thâwng ei tih, Ama chu a mi dotuhai sir detu ding a ni sih a.

INPÂKNA HLABU 144:10

Ama chu a nih, lalhai kuoma sandamna pe a, Kâwlhnâm mi sukkhawlotheia inthawka a siehlaw David sansuoktu chu.

INPÂKNA HLABU 68:12

Sipaihai lalhai chu an tlânsie an tlânsieh a, In nghâktunu chun râllâk sum chu a sem a.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:18

Jentailhai inâwitir dingin Kristain thilthaw le thu hrilin keima mi hmanga a thilthawhai chau naw chu iengkhawm hril ngam si naw ning a;

2 KORINTH 4:5

Mâni thu kan hril si nawh a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

JOSUA 10:10

LALPAIN anni chu Israelhai hmaa chun a sukbuoi tah a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.

JOSUA 10:42

chuong lalhai po po le an ramhai chu LALPA Israelhai Pathien chun Israelhai chu a dopui leiin Josua chun ṭum khata a lâk vawng an nih.

JOSUA 11:8

Chun, LALPAIN anni chu Israel- hai kutah a pêk a, an thawh a, Zidon Ropui chen dâm, Misrephoth-maim hmun chen dâm, saktieng panga Mizpe ruom chen dâmin an hnawt a; pakhat khawm hla hrim hrim nei loin an that vawng a.

RORELTUHAI 15:14

Lehi hmun a hung tlung chun, Philistin mihai chun an lo tuok a, an lo khêk dur dur a; chun, LALPA thlarau chu a chungah nasatakin a hung tlung a, chuongchun, a bân khuopna hruihruol chu ziza zai kâng tan ang el hi a hung ni tah a, a khuopnahai chu a kuta inthawk chun a tla ta tawp el a.

RORELTUHAI 15:18

chun, a dang a hung châr ta êm êm el a, LALPA chu a ko tah a, “Nangin i siehlaw kut hi hmangin ropuitakin i mi lo sansuok tah a, tuhin dangchârin ka thi elin, sertannawhai kuta hin ka tlulût el ding am a nih?” a tih a.

1 SAMUEL 11:13

Saula chun, “Vawisûn kher hin chu tukhawm sukhlum ding a ni nawh ie, vawisûn hin LALPA chun Israelhai lai sandamna a hung siem ta sih a,” a ta.

1 SAMUEL 14:23

Chuongchun, LALPAIN chu ni chun Israel mihai chu a sanhim tah a, chun, Beth-aven tlung rakin an thawh a.

1 SAMUEL 14:6

Chun, Jonathan chun, a râl- thuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; LALPA chun thil a mi thawpêk khiet rawi mawh; LALPA ta ding chun a tam amanih, a tlâwm amaniha sandam chu ieng- khawm a thei nawna a um chuong si nawh a,” a ta.

1 SAMUEL 17:53

Chun, Israel thlahai chun Phi- listin mihai an hnawt chu an kîrsan a, an riekhmun chu an suom tah a.

1 SAMUEL 19:5

thi dâwn loin Philistin mi kha a thawh a, chun LALPAIN Israel mihai po po sandamna ropuitak a thaw- suokpêk a, chu chu nang khawma i hmuh a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.