2 SAMUEL 22:45 - Pathien Lekhabu Inthieng (BSI)

⁴⁵ Hnam danghai chu ka kuomah inpêng an ta, Ka chanchin an hriet phingleh ka thu zâwm an tih.

2 SAMUEL 22:45 ပူးပေါင်းရင်းမြစ်များ

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

INPÂKNA HLABU 81:15

LALPA theidatuhai chu a hmaah ṭiin kûn an tih, An hrem tuorna chun kumkhuo dai a tih.

ISAI 56:3

Chun, ram dang mi, LALPA zâwmtu chun, “LALPAIN a mihaia inthawk hin mi suktum ngei a tih,” ti naw raw se; mitillâk chun, “En ta thing ṭâwl el ka ni hi,” ti bawk naw raw se.

ISAI 56:6

Ram dang mi khawm, châwlni bawse loa, inser hlakhai le, ka thuthlung pawm tlat taphawt chu, LALPA rawng bâwl ding le, LALPA hming hmangai ding le, a siehlawa- hai um dinga LALPA zâwm taphawt- hai;

THILTHAWHAI 8:13

Chun, Simon rau khawmin a âwi ve tah a, chun baptisma a chang zo chun, Philip kuomah a um zing a. Inchikna le thilmak nasatak thawa umhai chu a hmu veh a, mak a ti hle hlak a.

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.