2 SAMUEL 22:44 - Pathien Lekhabu Inthieng (BSI)

⁴⁴ Nangin ka mihai insuolnaa inthawk khawmin i mi sanhim tah a, Hnam tin lu chu ni dingin i mi vawng ṭha a. Ka hriet ngai naw hnam chun ka rawng bâwl tâng an tih.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Chuongchun, Judahai po po lungril chu mi pakhat lungril ang elin a sukthle ta duol a; chuongchun, lal kuomah, “I mihai po po le khan hung kîr nâwk ro,” ti dingin mi an tir tah a.

2 SAMUEL 19:9

Israelhai ruok chu anni puon in sengah an fe tah a. “Lal chun ei hmêlmahai kuta inthawkin a mi sansuok a, Philistin mihai kuta inthawkin a mi sandam tah a; chun, tuhin hi rama inthawk hin Absalom chu a tlân hmangsan a.

2 SAMUEL 20:22

Chuongchun, nuhmei chu a varna hmang chun mipui po pohai lai chun a feh a. Chun, Bikri naupa Seba lu chu an tan a, Joab kuom tieng chun an thedawk a. Chun, tawtawrâwt a mût a, mâni puon in tieng seng, khuoa inthawk chun an indar tah a. Chun, Joab chu Jerusalemah lal kuoma chun a fe nâwk tah a.

2 SAMUEL 3:1

Saula sûnghai le David sûnghai chu sâwttak an indo a, David chu a hung hrât tiel tiel a, Saula sûnghai ruok chu an hung hrât naw tiel tiel tah a.

2 SAMUEL 5:1

Chuongchun, Israel chihai po po chu Hebrona David kuomah an hung a, “Ngai ta, i ru le i tisahai kan na.

INPÂKNA HLABU 110:6

Hnam tin lai chun rorêl a ta, Hmunhai chu ruongin suksip a ta, Ram tamtaka chun lu chu sât khawi rem rum a tih.

INPÂKNA HLABU 18:43

Nangin mihai insuolnaa inthawk chun i mi sanhim tah a, Hnam tinhai lua chun i mi siem tah a. Ka hriet ngailo mihai chun ka rawng bâwl tâng an tih.

INPÂKNA HLABU 2:8

Mi hni rawh, chuongchun, i rohluo dingin hnam tin pêng ka ti cheh a: Kâwlkil tâwp chenin i ro dingin pe bawk ka ti che.

ISAI 55:4

Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; LALPA i Pathien lei le, Israelhai Mi Inthieng lei chun; ama chun a chawimawi si cheh a.

ISAI 60:12

I rawng bâwl nuom naw hnam le ram chu a bohmang âwm sih a; anih, chuong hnamhai chu suksiet dêrin um an tih.

ISAI 65:1

A mi lam ngai nawhai zawngin ka um a, a mi zawng ngai nawhai hmuin ka um a; ka hming put naw hnam kuoma chun, “Hitaka hin ka um, hitaka hin ka um,” ka tih a.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:12

Chun, Isaiin, “Jessai zung zâm chu um a ta, Jentailhai Lala um dingin, A hung suok ding chu um bawk a ta, Ama chu Jentailhai chun beisei phâng an tih,” a ti nâwk bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:25

Hosea lekhabua, “Ka mihai ni ngai lo chu, ‘Ka mihai’ tîng ka ta, Chun, ka ihmangai ngainawnu chu, ‘Hmangainu’ tîng ka tih.

DÂN PAHNINA 28:13

LALPAIN mei ni loin, luah siem a ti cheu a, a hnuoihnung ni loin a chunghnung pei nîng in tih; LALPA in Pathien thupêk in awi a, tuta ka pêk cheu hi fîmkhurtaka pawm a, vawi- sûna thu ka pêk cheu,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.