2 SAMUEL 22:31 - Pathien Lekhabu Inthieng (BSI)

³¹ Pathien chu a lampui a ṭha famkim a, LALPA thu chu inchien a ni tah. Ama ringtuhai po po ta dingin ama chu phaw a nih.

2 SAMUEL 22:31 ပူးပေါင်းရင်းမြစ်များ

2 SAMUEL 22:3

Ka lungpui, Pathien ama chu ring ka ta, Ka phaw le ka sandamna ki, ka kulbîng insâng le kân humhimna a nih; Ka sandamtu, nangin inpâwngnêknaa inthawkin i mi sandam hlak.

NEHEMIA 9:8

chun, a lungril chu i hmaa chun ringumin i hriet a; Kanaan mihai, Hit mihai, Amor mihai, Periz mihai, Jebus mihai, Girgas mihai ram chu ama kuoma pe dingin, a thlahai chena pe dingin thu i thlung a; chun, i thu chu i hlen bawk a, feltak i ni sih a.

JOB LEKHABU (THE BOOK OF JOB) 34:10

Chuleiin, nangni hrietthiemna neihai, mi lo ngai ta u, Rîtlona thâwng a tih ti hi Pathiena inthawka hlatak a ni ding a na, Suolna thâwng a tih ti hi, Iengkimthawtheia inthawka hlatak a ni ding a nih.

INPÂKNA HLABU 119:140

I thu hi ân thieng êm êm a nih, Chuleiin, i siehlaw hin a ngaina a nih.

INPÂKNA HLABU 12:6

LALPA thuhai hi thu inthieng- tak a na, Tangka hnuoi chunga rawtuina meia fieh a, Vawi sari sukthieng ta hnung ang hi a nih.

INPÂKNA HLABU 145:17

LALPA chu a um dân po poah a felin, A thilthaw po poah mi lunginsiettheitak a ni hlak.

INPÂKNA HLABU 18:30

Pathien chu a lampui chu a ṭhafamkim a, LALPA thu chu fie a ni tah a, Amaha ringna innghattuhai po po ta ding chun ama chu phaw a nih.

INPÂKNA HLABU 2:7

Thuruot chu ka hril ding a nih: LALPA chun ka kuomah, “Nang chu ka naupa i nih; Vawisûn hin ka nei che a nih.

INPÂKNA HLABU 35:2

Phaw chîn le phaw lien chel la, Mi ṭhangpui dingin ngîr rawh.

INPÂKNA HLABU 84:9

Aw Pathien, kan phaw tak, en ta, I hrieknâl pa hmêl hi en ta.

INPÂKNA HLABU 91:4

A thla chun inkhum a ti cheh a, A thla hnuoia chun himtakin um i ta, A thutak chu phaw chîn le phaw lien a nih.

THUVARHAI 30:5

Pathien thu tin chu sukthiengin a um a, Ama ringtuhai ta ding chun ama chu phaw a nih.

THUHRILTU 3:14

Pathienin a thaw taphawt kum- khuoa ding a nih ti ka hriet a; chu- taka chun iengkhawm belsa thei ni naw ni a, iengkhawm lâkṭhe thei ni naw nih; Ama hmaa mihriemhai chu an ṭit theina dingin Pathien chun a thaw tah a nih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achung- hnungtak chu mal ka sâwm a, cha- tuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni sih a;

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sin- thawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.