2 SAMUEL 22:28 - Pathien Lekhabu Inthieng (BSI)

²⁸ Rinum tuor mihai chu sandam i ta, Mi chapohai ruok chu i suktlâwm theina dingin an chungah i mit a fu zing a.

2 SAMUEL 22:28 ပူးပေါင်းရင်းမြစ်များ

INPÂKNA HLABU 12:5

LALPA chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a tih a.

INPÂKNA HLABU 131:1

LALPA, ka lungril hi a chapo nawh a, ka mithai hi ân sâng bawk nawh; Thil ropuitakhaiah ka ṭhangsa ve ngai nawh, Ka ta dinga thilmak taluohaia khawm.

INPÂKNA HLABU 138:6

LALPA chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

INPÂKNA HLABU 140:12

LALPA chun rinum tuorhai chu an thuah ṭan a tih ti ka hriet, Pasiehai chu an ta dinga âwm hrima leh.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien LALPA chun hieng hin a tih: ‘Ka hmaa insiehnuoi ieng chen am i nuom naw ding a nih a? Ka rawng an bâwl theina dingin ka mihai chu infetir rawh.

FESUOKNA 18:11

Tuhin pathienhai po po nêkin LALPA chu a ropui lem ti ka hriet, chapotaka anni an sawisak lai ngeia Aigupta mihai kut hnuoia inthawk- a a mihai chu a sansuok leiin,” a tih a.

THUVARHAI 21:4

Meng insâng le lungril chapo, Mi khawhlo khâwnvar ngei khawm chu suol a nih.

ISAI 2:17

Mihriem inditnahai chu suk- hnuoiin um a ta, mihai chapona chu suktlâwmin um bawk a tih; chu nia chun LALPA chau chu chawisângin um a tih.

ISAI 37:23

Tu am i sukhmingsietin, i hril- siet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 5:15

Mi chînhai chu sukkûnin an um a, mi lienhai chu suktlâwmin an um a, chapo mithai chu sukhnuoiin a um tah a;

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sin- thawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

MATTHAI 5:3

“Thlaraua pasiea inhriehai chu an hamṭha; vân ram an ta a ni sih a.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.