2 SAMUEL 21:3 - Pathien Lekhabu Inthieng (BSI)

³ David chun Gibeon mihai kuoma chun, “Iengam thawpêk ka ti cheu a? LALPA ro chu mal in sâwm theina dingin ieng ang inremna am siempêk ka ti cheu a?” a ta.

2 SAMUEL 21:3 ပူးပေါင်းရင်းမြစ်များ

2 SAMUEL 20:19

Kei hi Israelhai laia inrem nuom le ringum pâwl ka na, nang chun Israel khuo, a khaw bulpui hi suksiet i tum a ni hi, LALPA ro chu iengdinga sukhmang i tum am a na?” tiin a hril a.

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a nih a, chuleiin, LALPA kuomah tuhin hang fêng ka tih, in suolna ta dingin intlanna ka siem thei tâkduoiin,” a tih a.

LEVI DÂN 1:4

Pumrawhmang thilinhlân lu chunga chun a kut innghat a ta; chuongchun, a ta dingin intlanna siemna dingin pawmpêk ning a tih.

JONA 1:11

Chuongchun, a kuoma chun, “Ei ta dinga tuisuoriet hi a fâwn nawna dingin i chungah ieng am kan thaw ding?” an tih a, tuisuoriet chu a fâwn nasa deu deu el sih a.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngai- damna hrim a um nawh.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, LALPA chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom nawh a, LALPA chun anni chu a sukhlum ngei ding a ni sih a.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu LALPA a ni chun thilinhlân chu pawm hrâm sienla; mihriem nauhai an ni ruok chun LALPA hmaah ṭawngsephurin um raw se, ‘Fe la, pathien danghai rawng bâwl rawh,’ tiha LALPA ro ka hluo thei nawna dinga vawisûn hin an mi hnawt hmang ka ni sih a.