2 SAMUEL 20:10 - Pathien Lekhabu Inthieng (BSI)

¹⁰ Nisienlakhawm, Amasa chun Joabin kâwlhnâm a chawi chu a ngai- sak nawh a; chuongchun, a phînga chun a sun a, a rîlhai chu a sukthlâk nuoi el a, a sun nawn nâwk ta nawh a; chuongchun, a thi tah a. Chuong- chun, Joab le a unaupa Abisai chun Bikri naupa Seba chu an hnawt tah a.

2 SAMUEL 20:10 ပူးပေါင်းရင်းမြစ်များ

INṬANNA 4:8

Kaina chun a sang Abel kuomah, “Thaw ta, lo tieng va fêng ei tih,” a ta; loa an um lai chun Kaina chun a sang Abel chu a thawh a, a that ta el a.

2 SAMUEL 2:23

Nisienlakhawm, a pêt nuom chuong nawh a, chuleiin, Abner chun a feiṭhut tiengin a phîngah a sun a, a fei chu a hnungtieng a tlang a, chutaka chun a tlu ta tawp a, chu hmuna chun a thi tah a; chun, Asahel a tlûka a thina hmun hung tlung taphawthai chu chutaka chun an ngîr chawt pei a.

2 SAMUEL 20:9

Chun, Joab chun Amasa kuoma chun, “Unaupa, i ṭha pei de maw?” a ta. Chun, Joab chun Amasa chu fâwp tumin a khâkhmul chu a kut changtiengin a chel a.

2 SAMUEL 3:27

Chun, Abner chun Hebron a hung tlung chun Joab chun kul kawt- khârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum tah a.

1 CHANCHIN SUINA 12:2

Thalngul leh an inthuom a; thal- ngula thal kâp ding le dêngvira lung dêng dingin vawitieng le changtieng an hmang thei ve ve a; Benjamin thla Saula unauhai an nih.

JEREMIA 41:2

Chun, Nethania naupa Ismael le a kuoma mi sâwm umhai chu an tho a, Saphan naupa, Ahikam naupa Gedalia, Babulon lalin chu rama rorêltu dinga a sie chu kâwlhnâm leh an thawh a, ama chu an that tah a.

NAMBAR 35:20

Chun, mi a theida leia nam rak amanih, inchân rûka dênga a thiin amanih,

RORELTUHAI 3:15

Nisienlakhawm, Israel thlahai chun LALPA an ko phingleh LALPA chun Gera naupa Ehud, Benjamin mi, mi vawikawlawng, sansuoktu a hung siempêk a. Israel thlahai chun Moab lal Eglon pêk ding chu siechawi an inchawitir a.

RORELTUHAI 3:21

Ehud chun a vawitiengin a êlpui changtienga kâwlhnâm chu a phawi a, a phîngah a chiu ta pawp el a;

1 SAMUEL 26:8

Chuongchun, Abisai chun David kuomah, “Vawisûn hin i hmêlma chu Pathienin i kutah a pêk a ni hi, chuleiin, fei hin vawi khatin hnuoia hin hang sunde tlat el ka ti aw? Sun nawn nâwk naw tawp ka tih,” a ta.