2 SAMUEL 20:1 - Pathien Lekhabu Inthieng (BSI)

¹ Chun, chutaka chun Benjamin mi, Bikri naupa a hming Seba, Belial mi pakhat a lo um hlau el a; tawtawrâwt a mût a, “Davida hin chanvo ei nei ve nawh a, Jesai naupaa hin rohluo ding ei nei bawk nawh, aw Israel mihai, in puon in tieng seng fe ro,” a ta.

2 SAMUEL 20:1 ပူးပေါင်းရင်းမြစ်များ

INṬANNA 46:21

Chun, Benjamin naupasalhai chu: Bela, Beker, Asbel, Gera, Naaman, Ehi, Rosh, Muppim, Huppim le Arda.

2 SAMUEL 15:10

Nisienlakhawm, Absalom chun, “Tawtawrâwt ri in hriet phingleh, ‘Absalom chu Hebronah lal a nih,’ ti ro,” tiin Israel hnam po pohai lai mi a tir rûk ta hlau a.

2 SAMUEL 16:11

Chun, David chun Abisai le a siehlawhai po po kuoma chun, “Ngai ta u, ka naupa ka rîla ra ngei chun mi that a tum a na, hi Benjamin mi hin a va tum nasa nâwk zuol âwm de! Ieng- khawm law naw unla, ṭawngsie chu inphur el raw se; LALPA inthawtir a ni sih a.

2 SAMUEL 16:7

Chun, Simei chun ṭawngsie ân phur sûng chun hieng hin a hril a, “Fe hmang dai rawh, fe hmang dai rawh, nang thisen insuo hmang le Belial mihriempa,

2 SAMUEL 18:17

Chun, Absalom ruong chu an lâk a, rampui hnuoia khursûng in- thûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân tah a.

2 SAMUEL 20:2

Chuongchun, Israel mi po poin David an zui chu an mâksan a, Bikri naupa Seba chu an zui tah a; Juda mihai ruok chun Jordana inthawka Jerusalem chenin an lal chu an inkawppui ta tlat a.

2 SAMUEL 20:22

Chuongchun, nuhmei chu a varna hmang chun mipui po pohai lai chun a feh a. Chun, Bikri naupa Seba lu chu an tan a, Joab kuom tieng chun an thedawk a. Chun, tawtawrâwt a mût a, mâni puon in tieng seng, khuoa inthawk chun an indar tah a. Chun, Joab chu Jerusalemah lal kuoma chun a fe nâwk tah a.

2 SAMUEL 23:6

Mi rilohai chu an rênga a hnâwla hnâwlhmang mi, hling ang nîng an ta, Kuta lâk mi an ni si nawh.

1 LALHAI 12:16

Chun, Israelhai po po chun lalin an thuhril a pawm nawh ti an hrietin, mipuihai chun, “David a hin chanvo ieng am ei nei leh? Jesai naupaa hin rohluo ding ei nei chuong bawk nawh: Aw Israelhai, in puon in tieng fe vawng ro, David, i sûngkuo chu ngai- tuo el rawh,” tiin lal chu an dawn a. Chuongchun, Israelhai chu an puon in tieng chun an fe tah a.

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

2 CHANCHIN SUINA 10:16

Chuonga Israel po po chun lal chun an thu a ngai nawh ti an hriet chun mipuihai chun an dawn a, “David a hin chanvo ieng am ei nei hrim luoh a? Jesai naupaa hin rochan ieng khawm ei nei bawk nawh; mi tin mâni puon in sengah fe ro, Aw Israel- hai: David, tuhin nangma insûng ngei chu inngaituo ta,” tiin.

2 CHANCHIN SUINA 10:6

Chun, Rehoboam chun mi upa- hai, a pa Solomon damlaia a hmaa ngîr hlakhai chu, “Hi mipuihai hi dawn kirna dingin ieng thurâwn am in mi pêk a,” tiin, a râwn a.

INPÂKNA HLABU 17:13

Aw LALPA, tho la, ama chu hmasawn la, inkûntir tlat rawh, Ka hringna hi mi rilohaia inthawk chun i kâwlhnâmin sanhim la,

INPÂKNA HLABU 34:19

Mi fel rinumnahai chu a tam a, Nisienlakhawm, chuong po poa chun LALPAIN a sansuok hlak.

THUVARHAI 25:8

Inkhing dingin inhmawtakin suok naw rawh, A tâwpa thaw dân ding hre si loin, I tuolbâwm chun sukzak hlau rawi a ti che.

THUVARHAI 26:21

Meihawlhai chu meiling ding le, thinghai chu mei ding an ni angin, Mi hrângsie chu inkhingna sukṭaltu a nih.

MARKA 3:24

Ram khawm ama le ama ân do chun, chu ram chu ngîr suok thei naw ni.

LUKA 19:14

Nisienlakhawm, a khuohaiin an theidah a, ‘Hi mipa hi kan lal dingin kan dit nawh,’ ti dingin a hnungah palai an intlântir veh a.

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a tih a,” a ta.

JOHAN 13:8

Peterin a kuomah, “Ka ke sâwp naw tawp i tih!” a ta; Isûn a kuomah, “Ka sâwp naw che chun ka kuomah iengkhawm chan nei naw ti nih,” a ta.

DÂN PAHNINA 13:13

nangni laia mi dukdaklo ṭhen- khat hung suokin, chu khawpuia mihai chu in hriet ngai lo pathien danghai be dingin an ṭhuoi hmang ti thu hril in hriet chun,

RORELTUHAI 19:22

Chuong anga hlim le lâwmtaka an um lai chun, ngai ta, chu khuoa mi Belial naupasal ṭhenkhathai chun in chu an hung inhuol tah a, kawtkhâr chu an hung suk dawt dawt a, in neitupa, tarpa kuoma chun, “I ina hung tlungpa kha hung ṭhuoi suok rawh, lo pâwl kan tih,” an tih a.

RORELTUHAI 3:27

Chu hmun chu a va tlung chun, Ephraim tlâng rama chun taw- tawrâwt a mût a; chun, Israel thlahai chu tlâng rama inthawk chun a kuomah an zuk feh a, ama chun an hma chu a ṭhuoi tah a.

RUTH 2:3

Chuongchun, a fe tah a, busîk- tuhai lâk ṭhel chu a va zawng a: Elimelek pahnam, Boaz lo kherah a va fe fûk hlau el a.

1 SAMUEL 13:2

Chun, Saula chun Israelhai laia mi sâng thum a thlang a, sâng hni chu Mikmasa le Bethel tlângah Saula kuomah an um a; sâng khat chu Benjamin rama Gibeaa Jonathan kuomah an um a; a dang po chu anni puon inah ân fetir vawng a.

1 SAMUEL 2:12

Eli naupasalhai chu Belial nauhai an na, LALPA chu an hriet nawh a.

1 SAMUEL 30:22

Chuongchun, David kuoma fe vehai laia mi suolhai le Belial mihai po po chun an dawn a, “Ei kuoma an fe ve naw leiin râllâk thil ei va lâk- pêk nâwk hrim hrim chu pe ve nâwng ei ta, an ṭhuoi a, an fe theina dingin an nuhmeihai le an nauhai seng ruok chu an ṭhuoi phal ei tih,” an ta.