2 SAMUEL 19:8 - Pathien Lekhabu Inthieng (BSI)

⁸ Chuongchun, lal chu a tho a, kul kawtkhâra chun a ṭhung a; “Ngai ta u, lal chu kul kawtkhâra chun a ṭhung a,” tiin mipui po po chu an hril a; chun, mipui po po chu lal hmaa chun an va fe tah a.

2 SAMUEL 19:8 ပူးပေါင်းရင်းမြစ်များ

2 SAMUEL 15:2

Chun, Absalom chu zîngkâr hin a tho a, kul kawtkhâr lampuia chun a lo ngîr hlak a; chun, lal kuoma thupawi hung hril ding taphawt chu Absalom chun a lo ko hlak a, “Khâwlai khuo am in nih a?” a lo ti pei hlak a. Chun, “I siehlaw hi Israel hnam laia hnam pakhat ka nih,” an ti pei hlak a.

2 SAMUEL 18:17

Chun, Absalom ruong chu an lâk a, rampui hnuoia khursûng in- thûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân tah a.

2 SAMUEL 18:24

Chuongchun, David chu dai- kawtkhâr pahni inkâra chun a lo ṭhung a; chun râl vêngtu chu kul kawtkhâr tuolpuo lem chung tieng chun a hang lâwn a, a hang ngha vêl a, mi pakhat a khât baka hung tlân a hmu a.

2 SAMUEL 18:4

Chun, lal chun an kuomah, “Ṭha in ti ang pei chun thâwng ka tih,” a ta. Chuongchun, lal chu kul kawtkhâr bula chun a ngîr a; chun, mipui po po chu za têl têl le sâng têl têl chun an suok ta zut zut el a.

2 SAMUEL 19:3

Chun, mipuihai chu indonaa mi an tlânsieh a, an inzak a, inrûka an fe hmang angin chu ni chun a rûkin khawpuia chun an lût a.

1 LALHAI 22:36

Chun, nisa tlâk tâwm lai vêl chun, sipaihai lai chun, “Mi tin mâni in tieng seng, mi tin mâni ram tieng seng fe vawng ta raw hai se,” tiin an khêk vêl ta rak el a.

2 LALHAI 14:12

Chun, Juda chu Israelhai hmaa chun a lo tlâwm tah a, mi tin chu mâni in tieng an fe ta seng a.

2 LALHAI 8:21

Chuongchun, Joram chu Zair khuoah a tawlailîrhai po po leh a va feh a; chun, zâna chun ân thawk suok a, anni inhuoltu Edom mihai le an tawlailîr chunga hotuhai chu a va thaw tah a; chun, mihai chu an puon in tiengahai an tlân ta vawng a.

1 SAMUEL 4:10

Chuongchun, Philistin mihai chun an hang thawh a, Israel mihai chu an tlâwm a, an puonin tieng seng an tlân ta vawng a; an that nasa êm êm el a, Israelhai laia sipai sîng thum an thi a nih.