2 SAMUEL 19:24 - Pathien Lekhabu Inthieng (BSI)

²⁴ Chun, Saula naupa Mephi- boseth chu lal tuok dingin a hung thlah a; lal a fe suoka râlmuonga a hung kîr nâwk ni chen chun a kehai chu a chei nawh a, a khâkhmul chu a chep ruol bawk nawh a, a puonhai khawm chu a sâwp nawh a.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Chuongchun, David chu hnuoia inthawk chu a tho a, ân sâwp a, sahriek ân nâl a, a puonhai ân thleng a; chun, LALPA inah a feh a; Pathien chibai a bûk a; chun, a in tieng chun a fe nâwk a; chun, bu a hei lam a, a hmaa chun an hung sieh a, a fâk tah a.

2 SAMUEL 15:30

Chuongchun, David chu Oliv tlâng hang fenaa chun a hang feh a, fe malam chun a ṭap malam pei a, a lu a khum a, ke ruokin a feh a; chun, a kuoma mi po pohai chun an lu an khum seng a, ṭap pum peiin an hang feh a.

2 SAMUEL 16:3

Chun, lal chun “Anleh, i pu naupa chu khâwlai am?” a ta. Ziba chun lal kuomah, “Ngai ta, Jerusa- lemah a um, ‘Vawisûn hin Israel- hai chun ka pa ram an mi pêk nâwk ding a nih,’ a ti nghe nghe annâw,” a ta.

2 SAMUEL 9:11

Chuongchun, Ziba chun lal kuomah, “Lal ka puin a siehlaw kuoma thu a pêk ang po po hin i siehlaw hin thâwng a tih,” a ta. Lal chun, “Mephiboseth chun chu ka dawkânah lal naupa ang bawkin buthlêng awt vêng a tih,” a ta.

1 LALHAI 2:8

Chun, Bahurim khuoa mi Benjamin thla, Gera naupa Simei hi i kuomah a um a, ama chun Mahanaim hmuna ka fe lai khan ṭawngsie ṭha nawtak a mîn phur a; amiruokchu, Jordana khan mi tuok dingin a hung thlah a, chutaka chun ‘Kâwlhnâm- in that naw ning che,’ tiin LALPA hming sâlin ṭawng ka lo inkhâm tah a.

FESUOKNA 19:10

LALPA chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

ISAI 15:2

Dibon mipui chu bâwlhmuna hai chun ṭap dingin an hang fe a, Moab- hai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

JEREMIA 41:5

Mi ṭhenkhat Sekema inthawk dâm, Siloa inthawk dâm, Samaria inthawk dâmin mi sâwmriet zet, an khâkhmul vawa, an puonhai kei- thlêra, anni le anni chu inât a, an kuta bu thilinhlânhai le rimin- hnikhai chawiin, LALPA ina hung inhlân dingin an hung tah a.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak sih a. Titakzetin ka hril cheu hi, an lâwmman chu an hmu zo tah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:15

Lâwmhai chu lâwmpui unla, ṭaphai chu ṭappui ro.

HEBRAIHAI 13:3

Intânghai chu anni le khuopa um ve angin hre zing unla; rinum tuorhai chu taksaa um ve bawk in ni leiin hre zing ro.