2 SAMUEL 19:11 - Pathien Lekhabu Inthieng (BSI)

¹¹ Chuongchun, lal David chun thiempu Zadok le Abiathar kuoma chun, “Juda upahai kuoma chun, ‘Iengdinga lal chu a in tienga ṭhuoi kîr ding thuah a muongtaka ṭhang am in nih a? Israel mihaiin lal ṭhuoi kîr ding thu an hril chu lal kuom a tlung ta sih a.

2 SAMUEL 19:11 ပူးပေါင်းရင်းမြစ်များ

2 SAMUEL 15:29

Chuongchun, Zadok le Abiathar chun Pathien bâwm chu Jerusalema chun an fepui nâwk a; chun, chutaka chun an um tah a.

2 SAMUEL 18:14

Chuongchun, Joab chun, “Hieng hin chu i kuomah ka um zing thei naw tawp el a,” a ta, fei pathum a chawi a, thingsaisuo laia Absalom dama lo la umzing lungkhura chun a sun a.

2 SAMUEL 18:15

Chun, Joab râlthuom chawitu tlangvâl sâwm chun an hung inhuol a, Absalom chu an sun a, an that tah a.

2 SAMUEL 19:10

Chun, Absalom ei lal dinga hriek ei nâl chu indonaah a thi tah sih a, iengdinga lal chu baukhat bêka a ko kîr zâi in rêl naw am a ni leh?” tiin Israel mi po pohai chu an insêl ta mur mur el a.

2 SAMUEL 19:41

Chun, Israel mi po po chu lal kuomah an hung a, lal kuoma chun, “Iengdinga kan unau Juda mihai hin an chang bîk cheh a, lal le a sûnghai le David mihai po po khawm Jordan râla an ṭhuoi sa vawng el?” an ta.

1 LALHAI 2:35

Chun, lalin Jehoiada naupa Benaia chu sipaihai chungah a ai ân awtir a, chun, thiempu Zadok chu lalin Abiathar ai ân awtir a.

MATTHAI 5:16

Chuong ang bawkin in var chu mi mithmuah var raw se; chuong- chun, in thilthaw ṭhathai hmûng an ta, in Pa vâna mi chawimawi thei an tih.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 THESSALONIKA 3:9

Kan thei naw lei a ni nawh a, nangnîn in mîn chûkna dingin, in mi enkhi dingin kan insiem lem a nih.