2 SAMUEL 19:10 - Pathien Lekhabu Inthieng (BSI)

¹⁰ Chun, Absalom ei lal dinga hriek ei nâl chu indonaah a thi tah sih a, iengdinga lal chu baukhat bêka a ko kîr zâi in rêl naw am a ni leh?” tiin Israel mi po pohai chu an insêl ta mur mur el a.

2 SAMUEL 19:10 ပူးပေါင်းရင်းမြစ်များ

2 SAMUEL 15:14

Chun, David chun Jerusalema a mihai po po kuoma chun, “Tho unla, tlân suok ei tiu, tukhawm Absaloma inthawk hin ei suok thei âwm si nawh a, suok vak ro khai, chuong naw chun mi hung hnawt phâk vak el a tih; ei chunga hin thil ṭha nawtak hung intlun a ta, kâwlhnâmin khuo hi hung thaw rawi a tih,” a ta.

2 SAMUEL 15:16

Chun, lal chu a suok a, a sûnghai po po chun an zui a. Chun, lal chun in nghâk dingin nuhmei sâwm thaikêm ruol chu a sieh a.

2 SAMUEL 18:14

Chuongchun, Joab chun, “Hieng hin chu i kuomah ka um zing thei naw tawp el a,” a ta, fei pathum a chawi a, thingsaisuo laia Absalom dama lo la umzing lungkhura chun a sun a.

2 SAMUEL 19:11

Chuongchun, lal David chun thiempu Zadok le Abiathar kuoma chun, “Juda upahai kuoma chun, ‘Iengdinga lal chu a in tienga ṭhuoi kîr ding thuah a muongtaka ṭhang am in nih a? Israel mihaiin lal ṭhuoi kîr ding thu an hril chu lal kuom a tlung ta sih a.

2 SAMUEL 19:40

Chuongchun, lal chu Gilgala chun a kai a. Kimham chu a kuoma chun a kai ve a; chun, Juda mi po pohai chun lal chu an ṭhuoi kai a; Israel mi khawm a zâtve an ṭhang.

2 SAMUEL 19:9

Israelhai ruok chu anni puon in sengah an fe tah a. “Lal chun ei hmêlmahai kuta inthawkin a mi sansuok a, Philistin mihai kuta inthawkin a mi sandam tah a; chun, tuhin hi rama inthawk hin Absalom chu a tlân hmangsan a.

HOSEA 8:4

Ka thaw ni loin, annîn lal an siem a, Ka hriet loin hotuhai an siem a; An bohmangna dingin an tang- karuo le an rângkachakin milim an siem a.

RORELTUHAI 18:9

Anni chun, “Tho ro khai, hang thâwng ei tih, ram chu kan hang hmu ta ngei el le, a ṭha hle el a, in châng naw ding am a nih? Chu rama hang lûta hang hluo ding chun muong naw ro khai.