2 SAMUEL 18:9 - Pathien Lekhabu Inthieng (BSI)

⁹ Chun, Absalom chun David mihai chu a vân tuokpui ta thut a. Chun, Absalom chu a sabengtung lien chi chungah a chuong a; chun, sa- bengtung chu thingsaisuo kau inbuktak hnuoiah a lût a, a lu chu thingsaisuoa chun ân tâng tah a, hnuoi tâwk lo, vân tâwk lo chun ân khai ta zing el a; chun, sabengtung hlak chu a fe pei tah a.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

Chuongchun, Absalom siehlaw- hai chun Amnon chunga Absalom thupêk ang chun an thawh a. Chuongchun, lal naupahai po po chu an tho a, an sabengtung lien chi chungah an chuong seng a, an tlân hmang tah a.

2 SAMUEL 14:26

A lu a vâw chun (kum khat peiah a vâw hlak a, a sam chu a rik êm leiin a vâw hlak a nih) a sam chu a bûk hlak a, lal bûk dâna shekel za hni a tling hlak a nih.

2 SAMUEL 17:23

Chun, Ahithophel chun a rem- ruot ang chu an pawm nawh ti a hrietin a sabengtung chu a siem a, a suok a, a khuo tieng a fe tah a, a sûnghai khawsak dân ding a ruotpêk diem a, ân âwkhlum tah a; chuong- chun, a thih a, a pa thlânah an phûm tah a.

2 SAMUEL 18:10

Chun, tuin amani hin a hmuh a, Joab a hril a, “Ngai ta, thingsaisuoah Absalom inkhai zingin ka hmu,” a ta.

2 SAMUEL 18:14

Chuongchun, Joab chun, “Hieng hin chu i kuomah ka um zing thei naw tawp el a,” a ta, fei pathum a chawi a, thingsaisuo laia Absalom dama lo la umzing lungkhura chun a sun a.

2 SAMUEL 18:8

An indona chun chuong lai ram po po chu a huop vawng el sih a, chu ni chun kâwlhnâm nêk hmanin rampui chun a lem tam lem a nih.

JOB LEKHABU (THE BOOK OF JOB) 31:3

Mi fello ta dingin vângduoina, Rîtlona thawtuhai ta dingin sietna a ni naw am a nih?

THUVARHAI 20:20

Tukhawm a nu amanih, a pa amanih ṭawngse inphurtu chu, A khâwnvar chu inthim sâmup- na laia chun her hlum nîng a tih.

THUVARHAI 30:17

Mit a pa chu nuisan a, A nu thu awi dinga hmusittu chu, Phairuom vaâkhai chun kheldawk an ta; Mulukawlhai chun fâng an tih.

JEREMIA 48:44

Ṭitnaa inthawka tlân chu khur- thima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, LALPA chun a tih.

MATTHAI 27:5

Chun, ama chun tangka chu hmun inthienga chun a pei lût a; a fe hmang a, a vân âwkhlum tah a.

MARKA 7:10

Mosiein, ‘I nu le pa chawimawi rawh,’ ‘Tukhawm a nu amanih, a pa amanih hrilse taphawt chu thi mawl raw se,’ a ti sih a;

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok tah a; (“Thinga khaikâng taphawt chu ṭawngsephur an nih,” ti ziek a ni sih a).

DÂN PAHNINA 21:23

a ruong chu thinga chun zânkhawvârin a um ding a ni nawh a, chu ni le le chun in phûm ding a nih; thinga khai taphawt chu Pathien ṭawngsephur an ni sih a, LALPA in Pathienin hluo dinga a pêk cheu ram chu in sukpawrche nawna dingin.

DÂN PAHNINA 27:16

“‘A nu amanih, a pa amanih inza naw taphawt chu ṭawngse- phurin um raw se,’ tîng an ta, mipui po po chun, ‘Amen’ an lo ti ding a nih.

DÂN PAHNINA 27:20

“‘A pa nuhmei zâlpuitu chu ṭawngsephurin um raw se, a pa dierkei hlîm a ni leiin,’ tîng an ta, mipui po po chun, ‘Amen’ an lo ti ding a nih.