2 SAMUEL 17:20 - Pathien Lekhabu Inthieng (BSI)

²⁰ Chun, Absalom siehlawhai chu chu ina nuhmei kuoma chun an va feh a, “Ahimaaz le Jonathan kha khaw lai am?” an ta. Chun, nuhmei chun an kuomah, “Vadung kai tâng an tih,” a lo tih a. Chun, an va zawng a, an hmu nawh a, Jerusalemah an kîr nâwk tah a.

2 SAMUEL 17:20 ပူးပေါင်းရင်းမြစ်များ

2 SAMUEL 15:34

Amiruokchu, khawpui tieng chun i kîr a, Absalom kuomah, ‘Aw lalpa, i siehlawah um ka tih, kha hma tienga i pa siehlawa ka um ang khan tuhin i siehlawah um thung tâng ka tih,’ i va ti chun Ahithophel remruot mi hluopêktu ni lem i tih.

FESUOKNA 1:19

Naudawmtuhai chun Pharao kuomah, “Hebrai nuhmeihai chu Aigupta nuhmeihai ang an ni nawh a, anni chu an hrisêl a, naudawmtuhai an kuom an tlung hma hin nau chu an lo nei ta hlak a nih,” an tih a.

LEVI DÂN 19:11

“Inru naw unla, mî hlêm naw unla, khêl hril bawk naw ro.

RORELTUHAI 4:20

Sisera chun, “Puon in kawtkhâra khan ngîr la, chun, ‘Hitaka hin mi an um am?’ tiha an hung indawn che chun, ‘An um nawh,’ lo ti pei rawh,” a tih a.

1 SAMUEL 21:2

David chun, thiempu Ahimelek kuoma chun, “Lalin thil thaw dingin thu a mi pêk a, ka kuomah, ‘Ka thil inthawtir tum che le ka thupêk hrim hrim che hi tukhawma hre naw raw se,’ a ti tlat a; chun, tlangvâlhai lo umna ding hmunhai chu ka ruot a.