2 SAMUEL 16:16 - Pathien Lekhabu Inthieng (BSI)

¹⁶ Ark mi Husai, David ruolpa chun Absalom kuom a tlung chun, Husai chun Absalom kuomah, “Pa- thienin laltak humhim raw se, Pathienin laltak humhim raw se,” a ta.

2 SAMUEL 16:16 ပူးပေါင်းရင်းမြစ်များ

2 SAMUEL 15:32

Chun, David chu Pathien biekna tlâng sîp a hang lâwn kai chun, ngai ta, Ark mi Husai chu a zakaw keithlêr hâka, a lua pilvut kâi luomin ama tuok dingin a hung a.

2 SAMUEL 15:34

Amiruokchu, khawpui tieng chun i kîr a, Absalom kuomah, ‘Aw lalpa, i siehlawah um ka tih, kha hma tienga i pa siehlawa ka um ang khan tuhin i siehlawah um thung tâng ka tih,’ i va ti chun Ahithophel remruot mi hluopêktu ni lem i tih.

2 SAMUEL 15:37

Chuongchun, David ruolpa Husai chu khawpuia chun a lût a; chun, Absalom chu Jerusalema chun a lût tah a.

1 LALHAI 1:25

Vawisûn hin a fe thlah a, ran châwm thâuhai, bâwngchalhai, be- râmhai a that ṭeu a, lal naupahai po po le sipai hotuhai le, thiempu Abiathar hai dâm a fiel a, chun, ngai ta, an dâwnin an fâk tâwl a, ‘Pathien chun lal Adonija hi humhim raw se,’ an ti a nih.

1 LALHAI 1:34

chun, chutaka chun thiempu Zadok le zâwlnei Nathanin ama chu Israelhai po po chunga lal dingin hriek zu nâl raw hai se, chun, in tawtawrâwthai mût in ta, ‘Pathienin lal Solomon hi humhim raw se,’ ti ro.

1 LALHAI 4:5

Nathan naupa Azaria chu hotu- hai chunga mi a na; Nathan naupa Zabud chu thiempu le lal ruolpa a na,

2 LALHAI 11:12

Chuongchun, lal naupa chu a hung ṭhuoi suok a, lallukhum ân khumtir a, inhriettirna thu chu a pêk a, lalah an siem a, hriek an nâl a; chun, an kut an ben a, “Pathienin laltak humhim raw se,” an ta.

DANIEL 2:4

Chun, Kaldai mihai chun lal kuoma chun Suria ṭawngin, “Aw lalpa, kumkhuoin dam rawh: i sie- hlawhai hi mang chu mi hril la, a umzie chu hril el kan ti che,” an ta.

DANIEL 5:10

Chuongchun, lal le a lalhai thuhai lei chun ruoiṭhena ina chun lalnu chu a hung lût a, lalnu chun a hril a, “Aw lalpa, kumkhuoin dam rawh, i ngaituonahai chun sukbuoi naw sienla che, i hmêlput dân khawm danglam bawk naw raw se.

DANIEL 6:21

Daniel chun lal kuoma chun, “Aw lalpa, kumkhuoin dam rawh.

DANIEL 6:6

Chun, hieng hotuhai le biel awptuhai hi lal kuoma chun an hung inkhâwm a, a kuomah, “Lal Daria, kumkhuoin dam rawh.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

1 SAMUEL 10:24

Chun, Samuel chun mi po po kuomah, “LALPA mi ruot hi in hmu am? Mipuihai po po lai ama ang hrim hrim an um nawh,” a ta. Chun, mipuihai chu an khêk a, “Pathienin laltak chu humhim raw se,” an ta.