2 SAMUEL 16:1 - Pathien Lekhabu Inthieng (BSI)

¹ David chun tlâng sîp lâwn suokna a khêl dep chun, ngai ta, Mephiboseth siehlaw Ziba chun a lo tuok a, sabengtung pahni a hmang a, bei tlang zahni le grêp emṭâwl bâwr za le nipui thei za le uoin peng khat ân phurtir a.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Chuongchun, David chu Oliv tlâng hang fenaa chun a hang feh a, fe malam chun a ṭap malam pei a, a lu a khum a, ke ruokin a feh a; chun, a kuoma mi po pohai chun an lu an khum seng a, ṭap pum peiin an hang feh a.

2 SAMUEL 15:32

Chun, David chu Pathien biekna tlâng sîp a hang lâwn kai chun, ngai ta, Ark mi Husai chu a zakaw keithlêr hâka, a lua pilvut kâi luomin ama tuok dingin a hung a.

2 SAMUEL 19:17

Chun, a kuoma chun Benjamin mi sâng le, Saula sûnghai siehlaw, Ziba, a naupasalhai sâwm le panga le, a siehlaw sâwmhnihai leh an ṭhang ve a; chun, lal mithmua chun Jordan chu an kai a.

2 SAMUEL 19:32

Barzillai chu upatak a na, kum sâwmriet mi zet a nih; Mahanaima lal um sûng khan fâk ding dâm a lo tumpêk a, mi neinungtak a nih.

1 CHANCHIN SUINA 12:40

Chu chau naw khawm chu, anni hnai deuhai; Issakar le Zebulun le Naphtali ram chen khawma, sabeng- tung dâmin, sanghâwngsei dâmin, sabengtung lienchi dâmin, bâwng- chal dâmin, bei dâm, fâk ding tinrêng dâm, theichang bei dâm, grêp ra ṭâwl bâwr dâm, uoin dâm, hriek dâm, bâwngchal le berâm chen khawm tamtak an hung chawi a; Israel rama chun nasataka hlimna a um a.

THUVARHAI 18:16

Mihriem thilthlâwnpêk chun ama ta dingin hmun a siempêk a, Ama chu mi ropuihai hmaah a hung ṭhuoi hlak.

JEREMIA 40:10

Keia chungthua chun, ngai ta u, eini kuoma hunghai, Kaldaihai hmaa ngîr dingin Mizpaa hin ka chêng ding a na; amiruokchu, nangni chun uoin le nipui theirahai chu la khâwm unla, hriek leh, in bâwmahai chun sie unla, khawpui in lâk tahaia chun chêng el ro,” tiin.

JEREMIA 40:12

Judahai po po chu hnawthmang an nina hmun senga inthawk chun an hung kîr a, Juda ramah, Mizpaa Gedalia kuoma chun an hung a, uoin le nipui thei rahai chu tamtak el chu an lâk khâwm tah a.

AMOS 8:1

Hieng ang hin Lalpa PATHIEN chun a mîn entir a, chun, en ta u, nisapuithei bâwm a lo nih.

MIKA 7:1

Ka chung a va rik de! nisapui thei an sîkkhâwm laia um ang le grêp lo hun laia grêp hmu ṭhel lo ding ang ka ni sih a; ra bâwr fâk ding a um nawh; ka hringna hin theichang hmin hmasa a châk a nih;

1 SAMUEL 10:3

Chun, chutaka inthawk chun fe pei la, Tabor thingsaisuo chu va tlung i ta, chutaka chun mi pathum, Bethela Pathien kuoma hang fe dinghaiin lo intuokpui an ti cheh a; pakhat chun kêlte pathum pawm a ta, pakhat chun beiphêk pathum chawi a ta, chun, pakhat chun uoin peng chawi bawk a tih.

1 SAMUEL 16:20

Chun, Jesai chun sabengtung, bei le uoin peng khat phur le, kêlte a lâk a, a naupa David chu Saula pêk dingin ân chawitir a.

1 SAMUEL 25:18

Chun, Abigail chun inhmâwtak- in, bei tlang za hni le uoin peng hni leh, berâm panga suong el dinga inzo sa hieu leh, beiphit bûk nga leh, grêp ra em ṭâwl bâwr za leh, theichang hlawm za hni leh a lâkkhâwm a, sabengtung ân phurtir a.