2 SAMUEL 15:8 - Pathien Lekhabu Inthieng (BSI)

⁸ I siehlaw hin Suria rama Gesura ka um lai khan, ‘LALPAIN Jerusa- lema a mi ṭhuoi nâwk phawt chun LALPA rawng bâwl ka tih,’ tiin thu ka lo tiem tah a nih,” a ta.

2 SAMUEL 15:8 ပူးပေါင်းရင်းမြစ်များ

2 SAMUEL 14:23

Chuongchun, Joab chu a tho a, Gesura chun a feh a, Absalom chu Jerusalema chun a hung ṭhuoi tah a.

2 SAMUEL 14:32

Absalom chun Joab chu a dawn a, “Ngai ta, ‘Iengdinga Gesura in- thawka hung am ka nih a? Chutaka chun um zing lang ka ta dingin a ṭha lem ding bah,’ tia lal kuoma tir dingin kân cha cheh a, chuleiin, lal hmêl chu mîn hmutir raw khai, chun, bawsiet- na nei ka lo ni chun mi sukhlum el raw se,” a ta.

2 SAMUEL 15:9

Chun, lal chun a kuomah, “Lung- muongtakin fe raw khai,” a ta. Chuongchun, a tho a, Hebrona chun a fe tah a.

2 SAMUEL 3:3

a dawttu chu Kileab, Karmela mi Nabal nuhmei Abigail le an kâra mi a nih; chun, a pathumna chu Absalom, Gesur lal Talmai naunu Maaka naupa a na.

INPÂKNA HLABU 56:12

Aw Pathien, i kuomah thutiemhai ka nei a, Lâwmthu hrilna inthawina- haiin thung ka ti che.

THUHRILTU 5:4

Pathien kuoma ṭawng în khâm pha chun hlen dingin muongchâng naw, mi invêta chun lâwmna a nei si nawh a, în khâmna chu hlen el rawh.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhim- na dingin kan hmang a, khêl hnuoi- ah kan inbihmang ta sih a,” in ti leiin;

JEREMIA 42:20

In thlarauhai chunga chun hmusitumtakin in lo thaw tah a; ‘LALPA kan Pathien kuoma chun mi ṭawngṭaipêk la, LALPA kan Pathien- in a hril ang ang che chu kan kuomah hrilfie la, thâwng kan tih,’ tiin LALPA in Pathien kuoma chun in mi tir ta sih a,

JOSUA 24:15

Chun, LALPA rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu LALPA rawng a nih kan bâwl ding chu,” a ta.

1 SAMUEL 1:11

Chun, thu a tiem a, “Aw sipaihai LALPA, i suoknu tlâwmzie hi i hriet tak meu a, i mi hriet zing a, i suoknu hi i mi theinghil nawh a, i suoknu hi naupasal i pêk chun a dam sûng po chu LALPA pe ve thung ka ta, a lu khawm vâw hrim hrim ni naw ni,” a ta.

1 SAMUEL 16:2

Chun, Samuel chun, “Iengtin am fe thei ka ti leh? Saula chun a lo hriet chun mi sukhlum el a tih,” a ta. Chun, LALPA chun, “Bâwngla ṭhuoi la, ‘LALPA kuoma inthâwi dinga hung ka nih,’ ti el rawh.