2 SAMUEL 15:27 - Pathien Lekhabu Inthieng (BSI)

²⁷ Lal chun thiempu Zadok kuoma chun, “Hmu theitu i ni naw am a nih? I naupasalhai pahni i naupa Ahimaaz le Abiathar naupa Jonathan leh lungmuongtakin khawpuiah fe nâwk ro.

2 SAMUEL 15:27 ပူးပေါင်းရင်းမြစ်များ

2 SAMUEL 15:34

Amiruokchu, khawpui tieng chun i kîr a, Absalom kuomah, ‘Aw lalpa, i siehlawah um ka tih, kha hma tienga i pa siehlawa ka um ang khan tuhin i siehlawah um thung tâng ka tih,’ i va ti chun Ahithophel remruot mi hluopêktu ni lem i tih.

2 SAMUEL 15:36

Ngai ta, an naupasalhai pahni Zadok naupa Ahimaaz le Abiathar naupa Jonathan khawm an kuomah an um kha; chun, i thil hriet taphawt chu mi hril dingin anni chu i hung tir hlak ding annâwm,” a ta.

2 SAMUEL 17:17

Jonathan le Ahimaaz chu En-rogelah an um a, suoknu pa- khat hin anni chu a va hril hlak a na, chun, anni chun lal David chu an va hril nâwk sâwng hlak a; khawpuia an lût chu tukhawma hmu lo ding a nih.

2 SAMUEL 18:19

Chuongchun, Zadok naupa Ahimaaz chun, “Va tlân ka ta, LALPAIN a hmêlma phuba a lâkpêk dân chanchin hi lal chu va hril ka tih,” a ta.

2 SAMUEL 24:11

Chun, zîngkâra David a hang tho chun David zâwlnei, zâwlnei Gad kuomah LALPA thu a hung tlung a,

1 LALHAI 1:42

Chuonga a ti lai tak chun ngai ta, thiempu Abiathar naupa Jona- than a hung a, Adonija chun, “La hung ta khai, nang chu chu mi fel i na, chanchin ṭha intlun ngei i tih,” a lo tih a.

1 LALHAI 4:15

Naphtali ramah Ahimaz a na; ama khawm chun Solomon naunu Basemath chu nuhmeiah a nei a;

1 CHANCHIN SUINA 25:5

hienghai po po hi Pathien thua saki mûta lal zâwlnei Heman nau- pasalhai an nih. Pathien chun Heman chu naupasal sâwmpali le naunuhmei pathum a pêk a.

1 CHANCHIN SUINA 6:8

Ahitub chun Zadok a nei a; Zadok chun Ahimaaz a nei a;

1 SAMUEL 9:6

Ama chun a kuomah, “Ngai ta, hi khuoa hin Pathien mi a um a, mi inzaumtak a na, a hril taphawt chu a hung tlung ngei ngei hlak a nih, hung rawh, chutaka chun va fêng ei tih, ei fena dâm hi a mi hril thei miel rawi mawh,” a ta.

1 SAMUEL 9:9

(Kha hma khan chu Israelhai lai khan miin Pathien an râwn nuom chun, “Hung rawh, hmutheitu kuomah fêng ei tih,” an ti hlak a; tulaia Zâwlnei an ti hlak hi, kha hma khan chu Hmutheitu an ti hlak a nih.)