2 SAMUEL 15:20 - Pathien Lekhabu Inthieng (BSI)

²⁰ Zâni ela hung i na, vawisûn hin a suk a tunga mi zui dingin ka ti ve ding che am a nih? Ka fe theina naah ka fe ding a na, nang chu kîr nâwk la, i unauhai po po hi ṭhuoi kîr rawh, lunginsietna le thutak i kuomah um raw se,” a ta.

2 SAMUEL 15:20 ပူးပေါင်းရင်းမြစ်များ

2 SAMUEL 2:5

Chuongchun, Jabes-gilead mihai kuoma chun David chun mi a tir a, an kuomah, “In lalpa Saula chu hi lung- insietna hi suklangin ama chu in lo phûm ta leiin LALPA chun malsâwm raw se cheu.

2 SAMUEL 2:6

Chuongchun, LALPA chun in chungah zainêmna le thutak inlang- tir sienla, hieng thil in thaw lei hin kei khawma in lunginsietna man chu thung ka ti cheu.

INPÂKNA HLABU 25:10

A thuthlung le a thuinhriettir zâwmtuhai ta ding chun, LALPA lampui po pohai chu ngilneina le thutak vawng a nih.

INPÂKNA HLABU 56:8

Nangin kân vâkvainahai hi în chik hlak a, Ka mitthlihai hi i savun pênga chun thun la. I lekhabuah a chuong tâwl naw am a nih?

INPÂKNA HLABU 57:3

Mi lem zo tumtu chun a mi hrilsiet pha chun, Ama chun vâna inthawkin hung tir a ta, mi sanhim a tih: Pathienin a ngilneina le a thutak hung tir suok a tih.

INPÂKNA HLABU 59:15

Anni chu fâkding zawngin invâk an ta, An khawp naw chun zânkhawvârin um an tih.

INPÂKNA HLABU 61:7

Pathien hmaah kumkhuoin um zing a tih, Aw, ama humhim theina dingin ngilneina le thutak buotsai rawh.

INPÂKNA HLABU 61:8

Chuongchun, ka thutiemhai ni tina ka thaw sawng theina dingin, Kumkhuoin i hming inpâkin hla sak ka tih.

INPÂKNA HLABU 85:10

Ngilneina le thutak ân tuok a, Felna le remna an infâwp a.

INPÂKNA HLABU 89:14

Felna le rorêlna fel chu i lalṭhungpha innghatna a na, Ngilneina le thutak chu i hmaah an fe hlak,

THUVARHAI 14:22

Thil ṭha naw rawt suoktuhai chun an suksuol a ni naw am a nih? Thil ṭha rawt suoktuhai kuoma ruok chun thutak le lunginsietna um a tih.

THUVARHAI 3:3

Lunginsietna le thudik chun nghatsan naw sienla che: I rîngah vêt tlat la, I lungril phêk chunga chun ziek rawh.

AMOS 8:12

Chun, tuisuorieta inthawka tui- suorieta le hmâra inthawka saka khawm invâk an ta; LALPA thu chu zawng dingin kil tinah tlân an ta, hmu naw ni hai.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

1 SAMUEL 23:13

Chuongchun, David le a mihai za ruk lai chu an tho a, Keila khuoa inthawk chu an suok a, fena rem- châng natieng poa chun an fe tah a. Chun, David chu Keila khuoa inthawkin a tlân suok tah ti Saula an hril a; chuongchun, inthawk suok chu a ṭhul tah a.