2 SAMUEL 14:19 - Pathien Lekhabu Inthieng (BSI)

¹⁹ Chun, lal chun, “Hieng thua hrim hin Joab hin ṭhangna a nei am?” a ta. Chun, nuhmei chun a dawn a, “Lalpa ka pu, i thlarau hringna sâlin ka hril a nih, lalpa ka pu hin a hril taphawt chu tukhawma vawitienga manih, changtienga manih an fe khêl thei âwm nawh a, i siehlaw Joab chun a mi tir a, hieng thuhai po po hi i suoknu hi a hril vawng a nih;

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Uria chun David kuomah, “Pathien bâwm le Israelhai le Juda- hai chu bûkah an um a, chun, ka pu Joab le ka pu mihai chu ramhnuoiah an inkul bawk a; kei ka ina fein fain dâwnin, ka nuhmei kuomah ka zâl bîk ding maw? I hringna le i thlarau hringna sâlin ka hril a nih, chu chu thaw naw tawp ka tih,” a ta.

2 SAMUEL 14:18

Chun, lal chun a dawn a, nu- hmei kuoma chun, “Ka îndawn taphawt che chu ka kuomah ieng- khawm ip naw rawh aw,” a ta. Chun, nuhmei chun, “Lalpa ka pu chun hril raw se chu,” a ta.

2 SAMUEL 14:3

chun, lal kuomah fe la, a kuomah hieng ang hin thu va hril rawh aw,” a ta. Chuongchun, Joab chun thu chu a hril tah a.

2 SAMUEL 18:13

Ringumlotakin lo that ta ringawt inla, (lal kuoma chun ieng- khawm thup thei a ni âwm si nawh a) nang chu în sukfihlîm nâwk el âwm sih a,” a ta.

2 SAMUEL 3:27

Chun, Abner chun Hebron a hung tlung chun Joab chun kul kawt- khârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum tah a.

2 SAMUEL 3:29

Joab lu chungah tla sienla, a pa sûnghai po po chunga leh; Joab sûng- haia inthawka thil pût amanih, phâr amanih, hmawl ringsana um mi amanih, kâwlhnâma thi amanih, ṭâm amanih hung um loin um naw raw se,” a ta.

2 SAMUEL 3:34

I kut hai chu khuop a ni nawh a, i ke hai chu kawl inbun a ni bawk nawh, Mi rilo nauhai hmaa mi a tlûk anga i tlûk el ta chu?” a ta. Chun, mi po po chun ama an ṭa nâwk a.

2 LALHAI 2:2

Chun, Elija chun Elisa kuomah, “Hitaka hin lo um hri rawh, ka ngên che hi, LALPA chun Bethel chena fe dingin a mi tir a nih,” a ta. Elisa chun, “LALPA le nang a hringna sâlin ka hril a nih; um san naw tawp ka ti che,” a ta. Chuongchun, Bethela chun an fe thla ve ve tah a.

FESUOKNA 4:15

Ama kuoma chun thu hril i ta, thuhai chu ama bauah sieng i ta: i bau le ama baua chun um ka ta, ieng am in thaw ding chu inchûktir ka ti cheu.

THUVARHAI 25:2

Thil thup hri hi Pathien ta ding chun ropuina a na, Lalhai ropuina ruok chu thil- pawi zawng suok chu a nih.

THUVARHAI 4:27

Changtieng khawm, vawitieng khawm pêt naw la, Suola inthawk i ke her hmang rawh.

NAMBAR 20:17

Lunginsiettakin i ram hi fe thleng kan tih; lo amanih, grêp huon amanihah fe naw ning unga a, tuisunsuo tuihai dâwn bawk naw ning ung; lal lamlienah fe pei kan ta, i ram kan khêl hmakhat chun chang- tieng amanih, vawitieng amanih khawm pêt naw ning ungah,’ tiin,” a ta.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni sih a.

DÂN PAHNINA 28:14

a thuhai hi a ieng khawm hi changtienga manih, vawitienga ma- niha pathien danghai zui le rawng- bâwl dinga in pêtsan naw phawt chun.

DÂN PAHNINA 5:32

Chuleiin, LALPA in Pathienin thu a pêk cheu anga thaw dingin fîmkhur ro; changtienga manih, vawitienga manih in pêt ding a ni nawh.

JOSUA 1:7

Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniha khawm pêtsan dêr naw rawh.

1 SAMUEL 1:26

Chun, ama chun, “Aw ka lalpa, i hringna sâlin ka hril a, kei chu aw lalpa, hi hmuna i kâwla ngîr a, LALPA kuoma ṭawngṭaitu nuhmei ka ni ngei a.

1 SAMUEL 17:55

Chun, Saulan Philistin mihai thaw dinga David a fe lai a hmu khan sipai hotu Abner kuoma chun, “Abner, hi tleirâwl hi tu nau am a na?” a ta. Chun, Abner chun, “I hring- na sâlin ka hril a nih, aw lalpa, ka hriet dêr nawh a,” a ta.

1 SAMUEL 20:3

Chun, David chun, “I pa chun i mi lunginsiet dân hi a hriet chieng hle el sih a. ‘Jonathan chun hi hi chu hre kher da raw se, chuong naw chun, a lungngai âwm êm el,’ a ti nîng a tih. Amiruokchu, LALPA hringna le i hringna sâlin ka hril a nih, thina le kan inkâr chu pên khat chau a nih,” tiin a hril uor nâwk a.

1 SAMUEL 25:26

Chuleiin, tuhin pu Lalpa hring- na le i hringna sâlin ka hril a nih, ka lo hmu naw takzet a nih, LALPAIN thisen insuo lo ding le i kuta phuba la lo dingin a siem si cheh a, i hmêl- mahai le ka pu ṭhat nawna zawng- tuhai chu Nabal ang ni el raw se.