2 SAMUEL 13:4 - Pathien Lekhabu Inthieng (BSI)

⁴ Chun, a kuomah, “Aw, nang lal naupa hi a ni têla iengtiziea chêr tel tel am i nih a? I mi hril nuom naw ding am a nih?” a ta. Chun, Amnonin a kuomah, “Ka unaupa Absalom farnu Tamar hi ka hmangai tlat el a nih,” a ta.

2 SAMUEL 13:4 ပူးပေါင်းရင်းမြစ်များ

2 SAMUEL 13:3

Amiruokchu, Amnon chun ruol a nei a, a hming chu Jonadab a na, David unaupa Simea naupa a nih; Jonadab chu mi var vervêktak a nih.

2 SAMUEL 13:5

Chun, Jonadab chun a kuomah, “I khumah zâl zing la, damnaw tehlêm thaw la, chun, i pain a hung en pha che a kuomah, ‘Ka hni che a nih, ka farnu Tamar kha ka kuomah hung sienla, bei fâk ding mi hung pe sienla; chun, ka hmu theiah, ka mit- hmu ngeiah fâk ding mi buotsaipêk raw se; a kuta inthawk ngeiin lo fâng ka tih,’ lo ti raw khai,” a ta.

1 LALHAI 21:5

Chuongchun, a nuhmei Jezebel chu a va feh a, a kuomah, “Iengtiziea i lungril chuong lâwma a lungngai a, bu hrim hrim i fâk naw am a ni leh?” a ta.

1 LALHAI 21:7

Chun, a nuhmei Jezebel chun a kuomah, “Israel ram lal hi i nih a ni naw am a nih? Tho la, bu fa la, lungril hlimtakin um raw khai, Jezreel mi Naboth grêp huon chu keiin pêng ka ti che,” a ta.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei sih a.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk nawh a, chuleiin, a tluhai laia chun tlu vêng an ta, anni chu hrem an ni huna chun, LALPA chun a tih.

LEVI DÂN 18:9

I farnu, i pa naunu amanih, i nu naunu amanih, i piengpui amanih, i piengpui naw amanih saruokna chu i hlîm ding a ni nawh.

LEVI DÂN 20:17

“Miin a farnu, a pa naunu amanih, a nu naunu amanih a nei a, a saruokna a hmuh a, amanu khawma a saruokna a hmu bawk chun thil inzakumtak a na, an chipuihai thla- hai mithmua sukbohmang ding an nih; a farnu saruokna hlîm a na, a rîtlona maw chu phur a tih.

MIKA 7:3

An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.