2 SAMUEL 13:22 - Pathien Lekhabu Inthieng (BSI)

²² Chun, Absalom chun Amnon kuoma chun a sie a ṭha, iengkhawm a hril nuom nawh a; Absalom chun a farnu Tamar chu a lo thawlui lei chun Amnon chu a theida hle a nih.

2 SAMUEL 13:22 ပူးပေါင်းရင်းမြစ်များ

INṬANNA 24:50

Chun, Laban le Bethuel chun an dawn a, “Hi thil hi LALPAA inthawka suok a ni hi, a sie a ṭha khawm i kuomah kan hril thei nawh.

INṬANNA 31:24

Chun, Aram mi Laban kuoma chun zânah a mangah Pathien a hung a, a kuomah, “Jakob kuomah a sie a ṭha, a iengkhawm hril lo dingin fîmkhur rawh,” a tih a.

INṬANNA 31:29

Suksethei che ka nih i sawn- naw: nisienlakhawm, i pa Pathien chun zâni zân khan, ‘Jakob kuomah a sie a ṭha iengkhawm hril lo dingin fimkhur rawh,’ tiin a mi biek a nih.

2 SAMUEL 13:21

Nisienlakhawm, lal Davidin chuong thil po po a hung hriet chun a lunginsen hle el tah a.

THUVARHAI 10:18

Hmûr khêlinhlipa theidana chu ip a; Demna thu sâksuoktu chu invêt a nih.

THUVARHAI 25:9

I tuolbâwm le ngei chun i chungthu chu hriltlâng unla, Mi danghai thurûk chu phuong naw rawh.

THUVARHAI 26:24

Theidatu chun a hmûrhai chun ân tlip a, Amiruokchu, ama sûnga chun hmusitna a siekhâwl.

THUVARHAI 26:26

A theidana chu ama le ama vervêknain inkhum sien khawm, A suolna chu mipui hmaa phuongphotaka inentir nîng a tih.

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni sih a.

MATTHAI 18:15

“Chun, i unauin i chungah thil suksuol ta sienla, fe la, ama le nang chau hrietah a suolnaa chun kâwk rawh, i thu a ngai chun i unau chu i hne ni tâng a tih.

EPHESI 4:26

Lunginsen unla khawm a suol ruok chu suol naw ro; in lungsen chu nisain tlâkpui naw raw se:

EPHESI 4:31

Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.

1 JOHAN 2:9

Mâni unau theida sih a, “Varah ka um,” titu chu, tu chen khawm hin inthimah a la um zing a nih.

1 JOHAN 3:10

Hitaka hin Pathien nauhai le Diebol nauhai ân hriet a nih; tû- khawm felna thaw naw chu Pathiena inthawka suok a ni nawh a, a unau hmangai naw khawm chu Pathiena inthawka suok a ni bawk nawh.

1 JOHAN 3:12

Kaina mi suol laia mi, mani unau thattu ang khan um loin. Ieng- leiin am a that a? Ama thilthawhai a suol a, a unau thilthawhai a fel leiin.

1 JOHAN 3:15

Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet sih a.