2 SAMUEL 12:20 - Pathien Lekhabu Inthieng (BSI)

²⁰ Chuongchun, David chu hnuoia inthawk chu a tho a, ân sâwp a, sahriek ân nâl a, a puonhai ân thleng a; chun, LALPA inah a feh a; Pathien chibai a bûk a; chun, a in tieng chun a fe nâwk a; chun, bu a hei lam a, a hmaa chun an hung sieh a, a fâk tah a.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

Nisienlakhawm, David chun chuonga siehlawhai chu an inbiekrûk a hmu chun David chun naupang chu a thi a nih ti a hriet tah a; chun, David chun a siehlawhai kuomah, “Nau- pang chu a thi tah a ni maw?” a ta. Chun, anni chun, “A thi tah,” an ta.

2 SAMUEL 12:21

Chun, a siehlawhai chun a kuomah, “I thil thawzie hi iengtizie am a ni a? Naupang chu a dam lai khan bu dâm i nghei a, i ṭap a; nisien- lakhawm, naupang chu a thi tah a, i tho a, bu dâm i fâk ta lem a,” an ta.

2 SAMUEL 14:2

Chuongchun, Joab chun Tekoa khuoah mi a tir a, chutaka nuhmei var pakhat chu a vân ṭhuoitir a, a kuomah, “Lusûn angin insiem la, lusûnna puon sil la, sahriek khawm innâl loin, nuhmei sâwttak mithi sûn ta angin um rawh;

2 SAMUEL 19:24

Chun, Saula naupa Mephi- boseth chu lal tuok dingin a hung thlah a; lal a fe suoka râlmuonga a hung kîr nâwk ni chen chun a kehai chu a chei nawh a, a khâkhmul chu a chep ruol bawk nawh a, a puonhai khawm chu a sâwp nawh a.

2 SAMUEL 6:17

Chuongchun, LALPA bâwm chu an lâk lût a, a siena dinga Davidin a zar, puon in sûnga a hmun dinga chun an sie tah a; chun, David chun pumrawhmang thilinhlân le inremna thilinhlân chu LALPA hmaa chun ân hlân a.

2 SAMUEL 7:18

Chuongchun, lal David chu a lût a, LALPA hmaa chun a ṭhung a, “Aw Lalpa PATHIEN, tu am ka na, ka sûnghai tu am an na, hi chen chen hi i mi ṭhuoi?

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk tah a.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Iengdingin am Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol nawh a.

INPÂKNA HLABU 103:1

Aw ka hringna, LALPA chu inpâk la, Ka sûnga um po pohai, a hming inthieng chu inpâk ro.

INPÂKNA HLABU 103:8

LALPA chu lainatnaa sip, mi lunginsiet theitak, Lunginuoitak, ngilneina hautak a nih.

INPÂKNA HLABU 39:9

Nangma thaw a ni leiin, Ka ṭawng nawh a, ka bau ka ka bawk nawh.

INPÂKNA HLABU 95:6

Aw hung unla, chibai bûkin kûn ei tiu, LALPA a mi Siemtu hmaah dingṭhaṭhuon ei tiu.

THUVARHAI 3:7

Nanga mithaia ringawt chun var naw la, LALPA chu ṭi la, rîtlona chu mâksan rawh.

THUHRILTU 9:8

I silfênhai chu vâr zing zing sien- la, i lu khawm chu sahriek intlâksam- tir naw rawh.

MATTHAI 6:17

Nang ruok chun bu i nghei pha i lu sahriek nâl la, i hmai phi rawh;

LUKA 7:46

Nangin ka luah hriek i mi nâl nawh; ama ruok hin chu ka kepha hriek rim inhnik a nâl.

RUTH 3:3

Insil la, sahriek innâl la, i incheina puon ṭha takhai sil la, hri- zâwla chun zu fe rawh: amiruokchu, ama chu fâk le dâwn ân zo hmakhat chu a kuomah inhriettir dêr naw rawh.

1 SAMUEL 15:25

Chuongchun, ka suol chu ngaidam la, LALPA ka biek theina dingin mi fepui nâwk rawh,” a ta.

1 SAMUEL 15:31

Chuongchun, Samuel chun Saula chu a fepui tah a; Saula chun LALPA chu a biek tah a.