2 SAMUEL 12:14 - Pathien Lekhabu Inthieng (BSI)

¹⁴ Amiruokchu, hi i thilthaw hin Pathien hrilsietna remchângtak LALPA hmêlmahai ta dinga i siem leiin naupang nangmaa inthawka pieng chu thi ngei a tih,” a ta.

2 SAMUEL 12:14 ပူးပေါင်းရင်းမြစ်များ

2 SAMUEL 12:15

Chuongchun, Nathan chun a in tieng a fe san tah a. Chun, Uria nuhmei David a neipêk naupang chunga chun LALPA chun a kut a thlâk a, a na ta hle el a.

NEHEMIA 5:9

“In thil thaw hi a ṭha naw tawp el a nih: ei hmêlma, hnam danghai mi hrilsietna lei hin ei Pathien chu ṭiha in um a ṭûl a ni naw am a nih?

INPÂKNA HLABU 69:6

Aw LALPA, sipaihai Pathien, nangma nghâktuhai chu keia leiin muolpho naw hai sienla, Aw Israelhai Pathien, nangma zawngtuhai che chu keima leiin sukzakin um naw raw hai se.

INPÂKNA HLABU 74:10

Aw Pathien, dotu chun ieng chen am a hrilsiet ding che? Hmêlma chun kumkhuoin i hming hi a hrilsiet ding am a nih?

INPÂKNA HLABU 94:12

Mi i thunun a, i dân thua inthawka i inchûktir chu, Aw LALPA, a hamṭha.

INPÂKNA HLABU 99:8

Aw LALPA, kan Pathien, nang chun anni chu i dawn a, Nang chu anni ngaidamtu Pathien i nih, An thilthaw chungahai phuba la hlak la khawm.

ISAI 52:5

Chuongchun, hitaka hin tuhin ieng am a na ka thaw ding? Ka mihai hi iengkhawm ni loa ṭhuoi hmangin an um sih a, LALPAIN a tih a, an chunga rorêltuhai chu an khêk tuor tuor a, LALPAIN a tih, ka hming hi sûnnithlâk thlâka hrilsietin a um hlak.

AMOS 3:2

“Nangni chau hi khawvêla sûng- kuo po po laia ka hriet in na; chuleiin, in khawhlona po poahai chun hrem ka ti cheu.

MATTHAI 18:7

“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:24

An ziek ang ngei khan, Pathien hming chu nangni leiin Jentailhai laiah sukpâwiin a um ta a ni hi.

1 KORINTH 11:32

Rorêlpêka ei um khawmin, khawvêl mihai anga thiemnaw changa ei um nawna dingin Lalpa thununin ei um hlak a nih.

HEBRAIHAI 12:6

Lalpa chun a hmangai chu a thunun hlak a, Nau a ilâwm taphawt chu a vuok hlak i sawnnaw,” ti hi.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.