2 SAMUEL 11:11 - Pathien Lekhabu Inthieng (BSI)

¹¹ Uria chun David kuomah, “Pathien bâwm le Israelhai le Juda- hai chu bûkah an um a, chun, ka pu Joab le ka pu mihai chu ramhnuoiah an inkul bawk a; kei ka ina fein fain dâwnin, ka nuhmei kuomah ka zâl bîk ding maw? I hringna le i thlarau hringna sâlin ka hril a nih, chu chu thaw naw tawp ka tih,” a ta.

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Chun, David chu, “Uria chu a in tieng a fe nawh,” ti an hril phingleh David chun Uria kuoma chun, “Inzin hung i nih a ni naw am a nih? Ieng- dinga i in tieng i fe naw am?” a ta.

2 SAMUEL 14:19

Chun, lal chun, “Hieng thua hrim hin Joab hin ṭhangna a nei am?” a ta. Chun, nuhmei chun a dawn a, “Lalpa ka pu, i thlarau hringna sâlin ka hril a nih, lalpa ka pu hin a hril taphawt chu tukhawma vawitienga manih, changtienga manih an fe khêl thei âwm nawh a, i siehlaw Joab chun a mi tir a, hieng thuhai po po hi i suoknu hi a hril vawng a nih;

2 SAMUEL 20:6

Chuongchun, David chun Abisai kuomah, “Bikri naupa Seba hin Absalom nêk hmanin ei pawi a tâwk ding a nih ie, i pu mihai hi ṭhuoi la, hnawt ro khai; chuong naw chun khaw kul neia dam lût hman a ta, ei hmu phâk nawa hin insuo hlau rawi ei tih,” a ta.

2 SAMUEL 7:2

lal chun zâwlnei Nathan kuom- ah, “Hi, kei chu sidar thing inah ka um a, Pathien bâwm ruok chu puon in elah a um a,” a tih a.

2 SAMUEL 7:6

Israel thlahai Aigupta rama inthawka ka ṭhuoi suoka inthawkin tu chen hin inah ka um ngai nawh a, puon ina le biekbûkah ka um pei lem hlak a.

NAMBAR 32:6

Chun, Mosie chun Gad thlahai le Reuben thlahai kuoma chun, “In unauhai chu indonaah fêng an ta, nangni chu hitaka hin in lo um el ding maw?

JOHAN 13:14

Kei Lalpa le Inchûktirtu hmanin in ke ka sâwp chun, nangni khawmin in ke in insâwppêk ding a nih.

2 TIMOTHE 2:12

Ei tuor chun, Ama leh ro rêl ei tih; Ama ei inphat chun, Ama khawmin mîn phat a tih;

1 SAMUEL 1:26

Chun, ama chun, “Aw ka lalpa, i hringna sâlin ka hril a, kei chu aw lalpa, hi hmuna i kâwla ngîr a, LALPA kuoma ṭawngṭaitu nuhmei ka ni ngei a.

1 SAMUEL 14:18

Chun, Saula chun Ahija kuoma chun, “Pathien bâwm chu hang la raw khai,” a tih a. Chuong lai chun Pathien bâwm chu Israel thlahai laia um a na.

1 SAMUEL 17:55

Chun, Saulan Philistin mihai thaw dinga David a fe lai a hmu khan sipai hotu Abner kuoma chun, “Abner, hi tleirâwl hi tu nau am a na?” a ta. Chun, Abner chun, “I hring- na sâlin ka hril a nih, aw lalpa, ka hriet dêr nawh a,” a ta.

1 SAMUEL 20:3

Chun, David chun, “I pa chun i mi lunginsiet dân hi a hriet chieng hle el sih a. ‘Jonathan chun hi hi chu hre kher da raw se, chuong naw chun, a lungngai âwm êm el,’ a ti nîng a tih. Amiruokchu, LALPA hringna le i hringna sâlin ka hril a nih, thina le kan inkâr chu pên khat chau a nih,” tiin a hril uor nâwk a.

1 SAMUEL 25:26

Chuleiin, tuhin pu Lalpa hring- na le i hringna sâlin ka hril a nih, ka lo hmu naw takzet a nih, LALPAIN thisen insuo lo ding le i kuta phuba la lo dingin a siem si cheh a, i hmêl- mahai le ka pu ṭhat nawna zawng- tuhai chu Nabal ang ni el raw se.

1 SAMUEL 4:4

Chuongchun, mipuihai chun Siloa chun mi an tir a, chutaka in- thawk chun cherubim chunga ṭhung, sipaihai LALPA thuthlung bâwm chu an va lâk tah a; Pathien thuthlung bâwm an lâknaa chun Eli naupasal- hai pahni Hophni le Phinehas an ṭhang veh a.