2 SAMUEL 1:8 - Pathien Lekhabu Inthieng (BSI)

⁸ Chuongchun, ka kuomah, ‘Tu am i nih a?’ tiin a mîn dawn a. Chun, kei chun, ‘Amalek mi ka nih,’ tiin ka dawn a.

2 SAMUEL 1:8 ပူးပေါင်းရင်းမြစ်များ

INṬANNA 14:7

Chun, an kîr nâwk a, En-mispat an tlung a (chu chu Kades a ni tah). Amalekhai rama mi po le, Hazazon- tamara um, Amorhai khawm chu an that nâwk a.

2 SAMUEL 1:13

Chun, David chun a hriltu tlangvâl kuoma chun, “Khâwtieng mi am i nih a?” a ta. Ama chun, “Hmêl- mak mi, Amalek mi naupa ka nih,” a tih a, a dawn a.

2 SAMUEL 1:7

Chun, a hnungtieng a hung ngha chun a mi hei hmuh a, a mi hei ko a. Chun, kei chun, ‘Hitaka hin ka um ie,’ tiin ka dawn a.

2 SAMUEL 1:9

Chun, ama chun ka kuomah, ‘Ka kâwla hin ngîr la, mi hung that el ta, ka la dam ting a, lunginzîngnain a mi tlâkkhum ta sih a,’ a ta.

NAMBAR 24:20

Chun, Amalek tieng chu a nghah a, thu a hril a, “Amalek chu hnam bultak a ni nâk a chu, A tâwpna chu bohmangna a nih,” a ta.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr loin sukbohmang vawng rawh; nu- hmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 27:8

Chun, David le a mihai chu an hang feh a, Gesur mihai dâm, Girzi mihai dâm, Amalek mihai dâm an rûn a; chuong hnamhai chu tienlaia inthawkin Sur ram tieng pang Aigupta ram chena um an nih.

1 SAMUEL 30:1

Chun, a ni thum nia David le a mihaiin Ziklag an tlung chun Amalek mihaiin Simtieng le Ziklag khuo chu an lo rûn zing tah a. Ziklag khuo chu an lo sawisah a, an lo rawh a;

1 SAMUEL 30:13

Chun, David chun a kuomah, “Tu mi am i na? Khâwlaia inthawka hung am i nih a?” a ta. Ama chun, “Aigupta ram tlangvâl, Amalek mi siehlaw ka na; chun, ni thum a ni tah a, ka dam naw leiin ka pu chun a mi mâksan el a nih.

1 SAMUEL 30:17

Chuongchun, David chun nisa tlâka inthawkin a zînga zântieng chenin a thaw tah a, tlangvâl za li, sanghâwngsei chunga chuonga tlân- sehai ti chau naw chu tukhawm dama suok hrim hrim an um nawh a.