2 SAMUEL 1:12 - Pathien Lekhabu Inthieng (BSI)

¹² chuongchu, Saula le a naupa Jonathan le LALPA mihai le Israel sûnghai chun an sûn a, an ṭah a, zântieng chenin bu an nghei a, kâwlhnâma sukhlum an ni tâk leiin.

2 SAMUEL 1:12 ပူးပေါင်းရင်းမြစ်များ

2 SAMUEL 3:35

Chuongchun, sûn a la ni laiin David chu bu infâktir dingin mi po po chu an hung a; nisienlakhawm, David chun, “Nisa tlâk hmaa bu amanih thil dang amani khawm a fâka ka fâk vai chun Pathien chun a law law mi law raw se, chu nêka nasa khawmin,” tiin ṭawng ân khâm a.

THUVARHAI 24:17

I hmêlma a tlûk lai chun hlim naw la, Ama chu pei thlûk a ni laiin i lungril chu lâwm naw raw se.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

AMOS 6:6

berbu liena uoin dâwn a, hriek ṭhataka innâl hlakhai chu; nisienla- khawm, Josefhai rinumna leiin an lungngai nawh.

MATTHAI 5:44

Kei ruok chun ka hril cheu hi, in hmêlmahai chu hmangai unla; a suk- nawmnatuhai cheu chu ṭawngṭai- pêk ro;

2 KORINTH 11:29

Ka hrâtnawpui loa hrâtnaw tu am a um a? ka lungril sukna loa sukthlûk tu am a um hlak a?

1 PETER 3:8

A tâwp taka chun, in rêngin lung- ril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoi- rawlin um ro.

1 SAMUEL 31:13

Chun, an ruhai chu an lâk a, Jabesa tamarisk thing hnuoiah an phûm a; chun, ni sari bu an nghei a.

1 SAMUEL 31:6

Chuongchun, Saula leh, a nau- pasal pathumhai leh, a râlthuom chawitu leh, a mihai po po leh, chu ni ngei chun an thi seng tah a nih.