2 PETER 3:7 - Pathien Lekhabu Inthieng (BSI)

⁷ nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

2 PETER 3:7 ပူးပေါင်းရင်းမြစ်များ

INPÂKNA HLABU 102:26

Chuonghai chu la bohmang a ta, nang ruok chu um zing i tih. Anih, chuong po pohai chu silfên angin la hlui a ta, Puon angin thleng i ta, hung danglam tâng a tih.

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

ISAI 66:15

Ngai ta u, a lunginsenna chu hrîkthla ding le, a kâwkna chu mei- chawkhaia hrîkthla dingin, LALPA chu mei leh a hung ding a ni sih a, a tawlailîrhai chu thlivir ang el nîng a tih.

DANIEL 7:9

Ka en zing a. Lalṭhungphahai dâwin a um a, Tienlai mi pakhat hi a hung ṭhung tah a, A silfên chu vûr angin a vâr a, A lua sam chu sahmul inthiengtak ang a nih. A lalṭhungpha chu meichawk ṭiumtak a na, A kekuolhai chu meichawklai a nih.

ZEPHANIA 3:8

LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

MATTHAI 10:15

Titakzetin ka hril cheu hi, ngaituo nia chun chu khuohai nêk chun Sodom le Gomorra ram tuor ding chu a dân um lem a tih.

MATTHAI 11:22

Nisienlakhawm, ka ti cheu hi ngaituo nia chun nangni tuor nêkin Tura le Sidon tuor chu a dân um lem a tih.

MATTHAI 11:24

Nisienlakhawm, ka ti che hi, ngaituo nia chun i tuor nêk chun Sodom ram tuor ding chu a dân um lem a tih,” a ta.

MATTHAI 12:36

Chun, ka hril cheu hi, mihaiin thu teplo an hril taphawt, chuong thu chanchin chu ngaituo nia chun hril an tih.

MATTHAI 24:35

Hnuoi le vân bo a ta, ka thu ruok chu bo naw ni.

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MARKA 6:11

Chun, khâwlai khuo khawmin an lâwm naw cheu a, in thu an ngâi nawna poah, chutaka inthawka in suok pha chun, anni inhriettirna dingin in kepha hnuoia pilvut kai chu thinthla ro,” a ta.

JOHAN 12:48

Tûkhawm mi dit loa, ka thu hrilhai vawn lo chun, thiemnaw inchangtirtu pakhat a nei a nih; ka thu hril kha, kha thu ngei khan ni kin nia chun ama thiemnaw inchangtir a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

1 KORINTH 3:13

ni chun a suklang ding a ni sih a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.

PHILIPPI 1:28

Ieng kawnga khawm dotuhai sukṭitin in um nawh a, chu chu anni ta ding chun bohmang ding an nih ti inhriettirna fietak a nih, nangni ta ding ruok chun sandam ding in nih ti inhriettirna fietak a ni lem a; chu khawm chu Pathiena inthawk a nih.

2 THESSALONIKA 2:3

Tûkhawmin iengkhawmin hlêm naw raw se cheu; tlûksanna chu a hung tlung hmasa zeta, Dân Bawsepa, bohmang naupa chu, a hung inlang naw chun, chu Ni chu tlung si naw nih a.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

HEBRAIHAI 12:29

ei Pathien hi mi kâng bohmang mei a ni sih a.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

2 PETER 3:12

Pathien Ni hung tlung ding hun chu ṭhahnemngaitakin beisei zing ro. Chu ni chu a tlung chun vânhai chu kângin bohmang a ta, thil bulhai khawm chu meia emtuiin um tâng an tih.

1 JOHAN 4:17

Hitaka hin ei chungah hma- ngaina a famkim tah; rorêl nia ṭi loa ei um theia hin; ama um anga khawvêla hin ei um leiin.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

THUPUONGSUO 17:11

Chun, sahrâng um ta zeta, um nâwk ta naw ngei khawm kha a parietna a na, pasarihai laia mi kha a ni nghe nghe a; bohmangnaah fêng a tih.

THUPUONGSUO 17:8

Sahrâng i hmu kha a um ta zet a, a um nâwk ta nawh a; chun, vânsama inthawkin hung suok a ta, bo- hmangnaah fêng a tih. Chun, hnuoia umhai, leihnuoi insieng tîra Hringna Bua hming ziek nawhai chun, sahrâng chu an hmu phâleh, a um ta zeta, a um nâwk ta nawh a, a hung nâwk ding chu mak la tîng an tih.

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.

THUPUONGSUO 21:1

Chun, vân thar le hnuoi thar ka hmuh a; vân hmasa le hnuoi hmasa chu a bohmang tah a, tuisuoriet khawm a um ta naw a nih.