2 PETER 3:12 - Pathien Lekhabu Inthieng (BSI)

¹² Pathien Ni hung tlung ding hun chu ṭhahnemngaitakin beisei zing ro. Chu ni chu a tlung chun vânhai chu kângin bohmang a ta, thil bulhai khawm chu meia emtuiin um tâng an tih.

2 PETER 3:12 ပူးပေါင်းရင်းမြစ်များ

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

ISAI 24:19

Hnuoi hi a kawi se vawng a, hnuoi hi sukboin a um tah, hnuoi hi nasatakin ân hnîng a.

ISAI 34:4

Vâna umhai po po khi sukboin um an ta, vân khi lekhabu zuol mi an zuol angin zuolin um a ta; a umhai po po khi grêp hruia inthawka a hna a vuoi a, a tla hlak ang le, theichang kûnga inthawka a hna vuoi a tla hlak ang hin vuoi zoin tla vawng an tih.

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

MATTHAI 16:27

Mihriem Naupa hi a vântir- kohai leh, a Pa ropuinaa inthuomin a hung ding a ni sih a; chu pha chun mi tin an thilthaw ang peiin thung seng a tih.

MATTHAI 16:28

Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a tih a.

PHILIPPI 1:6

Nangnia thilṭha thaw phuttu khan Isu Krista ni chen chun a thaw famkim pei ding a nih; chu ngei chu ka ring tlat sih a.

TITA 2:13

beiseina lâwmum ei Pathien ropuitak Sandamtu Isu Krista ropui- na inlârna chu nghâk dingin a mîn chûktir a.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

2 PETER 3:11

Chuong thilhai chu chuong anga bohmang vawng ding a nih ti in hriet leiin um dân inthieng le Pathien ngaisak kawnga chun mi ieng ang am in ni ding a na?

2 PETER 3:4

“A hung nâwkna ding thutiem chu khâwlai am a um a? Siem tîra inthawkin iengkim a um pângngai angin chi thlatuhai ininnghil nia inthawk ta kha a la um pei annâwm,” la tîng an tih.

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

JUDA 1:21

Thlarau Inthienga ṭawngṭaiin; chatuon hringna inneitirna khawp ei Lalpa Isu Krista lunginsietna chu nghâk pumin, Pathien hmangainaa chun inkawl ṭha ro.