2 PETER 2:4 - Pathien Lekhabu Inthieng (BSI)

⁴ Vântirkohaiin thil an suksuol lai khan Pathienin a hla nawh a, hremhmunah a pei a, rorêlpêk dinga khêk dingin khur inthimah a khum lem sih a.

2 PETER 2:4 ပူးပေါင်းရင်းမြစ်များ

JOB LEKHABU (THE BOOK OF JOB) 21:30

Mi suol chu suksietna nia dinga khêk a na, Ṭhuoihmangin an um a, lunginsenna nia dingin.

JOB LEKHABU (THE BOOK OF JOB) 4:18

Ngai ta, a siehlawhai khawm chu a ring zo nawh a, A vântirkohai khawm chu invêt a ti a nih.

INPÂKNA HLABU 78:50

A lunginsenna ding chun lampui a siempêk a, An hringna chu thinaa in- thawkin a humhim nawh a, An hringna chu hri kuomah a pêk ta lem a.

ISAI 14:12

“Aw sikhawvar, zîngkâr naupa, iengtiziea vâna inthawka tla am i ni ta leh? hnam tin sukthlutu, iengtiziea hnuoia sât thlâka um am i ni ta leh?

EZEKIEL 5:11

Chuleiin, ka hring zing angin, i tirdakumna po po le i thilpawrchehai po po chun ka hmun inthieng chu i lo sukpawrche tâk leiin hung sukriral ngei ngei ka ti che a, ka mit khawma hla naw ni cheh a, kei khawma lunginsietna nei bawk naw ning che.

EZEKIEL 7:4

Ka mit chun hla naw ni che a, lunginsietna khawm nei naw ning che; nisienlakhawm, i um dânhai leiin hrem ka ti che, i tirdakumna chu nangmaah a um si a; chun, LALPA chu ka nih ti mi hre tâng i tih.

EZEKIEL 7:9

Ka mit chun hla naw ni, lunginsietna nei bawk naw ning; i um dânhai ang peiin i chungah hung intlungtir ka ta; i tirdakumnahai chu nangmaah a um si a; chun, kei LALPA hin ka hrem che a nih ti hre tâng i tih.

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 8:29

Chun, ngai ta, anni chun, “Pathien Naupa, nang le keini ieng am ei inzâwlna? A hun tlung hmain a mi sawisa dinga hitaka hung am i nih?” tiin an khêk a.

MARKA 5:7

Chun, râwl inringtaka khêkin, “Isu, Pathien Chunghnungtak Nau- pa, kei le nang ieng am ei inzâwlna a um a? Mi sawisa naw hrâm dingin Pathien hmingin ka ngên ṭal che a nih,” a ta.

LUKA 10:18

Chun, ama chun an kuomah, “Kâwlinlep angin Setan vâna in- thawka hung tla kha ka hmu annaw.

LUKA 8:31

Chun, vânsama fe thu an kuoma pe lo dingin Isu kuomah an ngên a.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:21

Chapo naw la, ṭi lem rawh. Pathienin a kâu takhai hman a hla si naw chun nang khawm hla bîk naw ni che.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla loa, ei rênga aia petu chun, thil dang po po khawm a thlâwnin a mi pêk sa naw ding am a nih?

DÂN PAHNINA 29:20

LALPA chun ngaidam dêr naw nih a, LALPA lunginsenna le a thîkna chun, chu mi chu ur a ta, hi lekhabua ṭawngsie um po po hi a chungah um a tih; LALPAIN vân hnuoia inthawk- in a hming chu thaihmang lem a tih.

2 PETER 2:11

Vântirko, hrâtna le thilthaw- theina nei lemhai hmanin, Lalpa hmaa chu an chungthu rêlpêkin an hrilsiet ngai naw kha.

2 PETER 2:5

Chun, ama ngaisaknawhai um- na, khawvêla khan tui suklêtin, tien- lai khawvêl chu a hla nawh a, nisienlakhawm, Noa, felna thu hril- tu, mi dang pasari leh a sandam tah a.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

JUDA 1:13

tuisuoriet fâwn invawr, mâni muolphona inhuom suokhai an nih; arasi invâk invâk, chatuona inthim sa mup khêk pêkhai chu an nih.

JUDA 1:6

Chun, vântirkohai anni nîna pawm loa, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei tah a; chuongchun, chatuonin a sûn a zâna sawisakin um an tih.