2 PETER 2:17 - Pathien Lekhabu Inthieng (BSI)

¹⁷ Chuong chu tuikhur tui um naw le, sûm thlipui imût lêng chu an nih, chuonghai ta ding chun inthim sa khup chu khêk a ni tah.

2 PETER 2:17 ပူးပေါင်းရင်းမြစ်များ

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu nawh a; an tuitheihai chu a ruokin an kîr a, an inzakin an buoi a, an luhai chu an inkhum a.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni sih a.

MATTHAI 22:13

Chun, lal chun a suokhai kuomah, ‘A kut le a ke khuop unla, tuol tieng inthimah pei dawk ro, chutaka chun ṭap le harâwt chu um a tih,’” a ta.

MATTHAI 25:30

Chun, suok ṭhahnem naw kha tuol tieng inthima chun pei dawk ro; chutaka chun ṭap le harâwt chu um a tih,’ a ta, a dawn a.

MATTHAI 8:12

ram nauhai ruok chu tuol inthima chun hnawt dawkin um an ta; chutaka chun ṭap le harâwt chu um a tih,” a ta.

EPHESI 4:14

Chuongchun, indiknawna zâwr- na angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei nih a,

HEBRAIHAI 12:18

Nangni chu tlâng tâwk thei, meia kâng dâm, sûm dum dâm, inthim dâm, thlipui dâm umna kha tlung in ni si nawh a;

2 PETER 2:4

Vântirkohaiin thil an suksuol lai khan Pathienin a hla nawh a, hremhmunah a pei a, rorêlpêk dinga khêk dingin khur inthimah a khum lem sih a.

JUDA 1:6

Chun, vântirkohai anni nîna pawm loa, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.