2 PETER 2:14 - Pathien Lekhabu Inthieng (BSI)

¹⁴ mit uirea sip, suol bân thei naw- hai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:14 ပူးပေါင်းရင်းမြစ်များ

JOB LEKHABU (THE BOOK OF JOB) 31:7

Ka kalchawi chun lampui a pêtsan a, Ka lungrilin ka mithai chu a zui bawk chun, Ka kuthaiah kaidum hrim a um phawt chun;

JOB LEKHABU (THE BOOK OF JOB) 31:9

Ka lungril hin nuhmei tieng a ngaisak chun, Ka tuolbâwm kawtkhâr bula kân chân bawk chun;

THUVARHAI 5:6

Chuongchun, hringna lampui inphei chu a hmu ngai nawh a, A lampuihai chu mumal neilo a na, ama chun a hriet nawh.

THUVARHAI 6:25

I lungrila chun a mawina chu châk naw la, A mitsîrhai chun nang chu kuoi bawk naw raw se che.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

ISAI 34:5

Ka kâwlhnâm chun vânah tlai- takin a dâwn ta sih a, ngai ta, chu chu, rorêl dingin, Edom mihai chunga le, ka ṭawngse inphur mihai chunga chun tlâng a tih.

ISAI 65:20

Chutaka inthawka suok chu nautê ni sâwt nawtê dam um naw ni hai a, putar a dam sûng nihai tlingtla naw um bawk naw ni hai: naupang chu kum za mi niin a thi ding a ni sih a, mi suol kum za chau dam chu ṭawngsephur a ni ding a nih.

JEREMIA 13:23

Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

EZEKIEL 13:18

Lalpa PATHIEN chun, ‘Nu- hmei, kutrîng tina inbuntir ding ṭhuitu le, thlahai pêl dinga mi saput ieng ang po el lua dinga rawmawl siem chu a chung a rik de! a tih,’ ti rawh. Ka mihai thlahai chu pêlin nangni ta ding chauin thla chu in sandam ding maw?

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 23:14

[Nangni Dân inchûktirtu le Pharisai vervêkhai, in chung a rik! Hmeithaihai sum in fâk zo a, mi hlêmna dingin sâwttak tak in ṭawng- ṭai a; chuleiin, thiemnaw changna nasa nâwkzuol hmûng in tih.]

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 5:28

Kei ruok chun, tukhawm nu- hmei dit ena en taphawt chun, a lungrilah a uire zing a nih ti ka hril cheu hi.

MARKA 13:22

Krista tehlêm le zâwlnei te- hlêmhai an hung suok ding a ni sih a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

JOHAN 5:44

“Nangni inchawimawituo lâwm- hai, iengtin am ring thei in ta? Pathien tak chaua suok chawi- mawina chu in zawng si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl nawh a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

1 KORINTH 11:19

Nangni laia mi indiktakhai an inlang theina dingin pâwl tum tum an hung um ding hrim a nih.

EPHESI 2:3

Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.

EPHESI 4:14

Chuongchun, indiknawna zâwr- na angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei nih a,

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

JAKOB 1:8

mi lungril bulbâl nei naw, a thil thaw po poa det naw mi chun.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak sih a.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

2 PETER 3:16

A lekhathawn po poa chun chuong thu chu hrilin, chuong ang bawkin a ziek a nih; chuonga chun thu hriet intak takhai a um a, chuong chu mi var naw le mi det nawhaiin, Pathien Lekha Thu dang an ngai kawi angin an ngai kawi a, mâni le mâni an insukbohmang pha hlak a nih.

1 JOHAN 2:16

Khawvêla thil um po po, tisa châkna dâm, mit châkna dâm, dam sûng ropuina tehlêm dâm hi Paa inthawka suok a ni nawh a, khawvêla suok a ni lem sih a.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.