2 PETER 1:5 - Pathien Lekhabu Inthieng (BSI)

⁵ Anih, chu chu lei tak chun taimâk hrim hrim insuoin, in ringnaa chun ṭhatna inṭhangtir unla, in ṭhatnaa chun hrietna,

2 PETER 1:5 ပူးပေါင်းရင်းမြစ်များ

INPÂKNA HLABU 119:4

Nangin i thununna thuhai chu thupêkin i mi pêk a, Ṭhahnemngaitaka kan zâwm theina dingin.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

ISAI 55:2

Bu ni si loah ieng dinga tangka in sêng am a na? Khawp le tlaina ni si loah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

ZEKARIA 6:15

Chun, ram hlataka umhai khawm chu hung an ta, LALPA biekin chu hung bâwl an ta; chun, sipaihai LALPA chun in kuomah a mi hung tir a nih ti hre tâng in tih. Hieng thilhai hi la hung tlung ngei a tih, LALPA in Pathien râwl chu nguntaka in zui phawt chun,” tiin.

LUKA 16:26

Hieng naw khawm hi, hitaka inthawka nangni kuoma fe tumhai chu an fe thei nawna dingin le, tu- khawm khataka inthawka keini kuom tieng an hung kai thei nawna dingin, keini le nangni inkâra hin hnuoi kak nasatak an siem tlat a nih,’ a ta.

LUKA 24:21

Keiniin Israel intlantu ding a ni kan beisei vei leh; chuong ta nêk hmanin chuong thil tlungna chen chu vawisûn leh ni thum a ni tah.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta sih a,” a ta, a dawn a

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

EPHESI 5:17

Chuleichun, invêt nuom naw unla, Lalpa ditzâwng ieng am a na ti lo hre lem ro.

PHILIPPI 1:9

In hmangaina chun hriet fam- kimna le bengvârna tinrêng a hau nâwk zuolna dingin ka ṭawngṭai hlak hi;

PHILIPPI 2:12

Chuongchun, ka idittakhai, thu in zâwm rawp ang khan, ka um lai chau ni loin, tûta ka um naw kâr hin nasa lem hmanin, ṭi le inthin pumin in sandamna thaw suok ro,

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh a.

KOLOSSA 2:3

amaa chun varna le hrietna ro po po thupin a um sih a.

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

HEBRAIHAI 12:15

Nguntakin en ro, chuong naw chun, Pathien lunginsietna tling zo naw mi tû amanih um a ta, khâkna zung ieng amanih hung indera suk- buoi cheuin, chu chun mi tamtak chu sukthieng loin um an ta,

HEBRAIHAI 6:11

Chun, in beiseina chu a fam- kima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

JOSUA 7:3

Chun, Josua kuoma chun an kir nâwk a, a kuomah, “Mi po po chu hang fe kher da el raw hai se, mi sâng hni amanih, sâng thum amanih hang fe hai sienla, Ai khuo chu thaw raw se; mi po po hang suksâwl kher ding a ni nawh ie, tlâwmte chau an ni sih a,” an ta.

1 PETER 3:7

Nangni pasalhai, chuong ang bawkin, nuhmei hi bêl kawi awl lem an ni lei le, lunginsietna hringna chu changpuitu an ni hre zingin, chawi- mawi pumin in nuhmeihai kuomah um ro, in ṭawngṭainahai hluoa a um nâwna dingin.

2 PETER 1:10

Chuleiin, unauhai, a kona le a thlangna cheu chu sukdet dingin taimâk insuo nâwkzuol ro; chuong chu in thaw chun ieng tik khawm tlu naw ti niu;

2 PETER 1:11

chuongchun, Isu Krista ei Lalpa le Sandamtu chatuon rama lûtna chu nasataka inhmutir nîng in tih.

2 PETER 3:14

Chuleiin, dittakhai, chuong ang thilhai chu in beisei leiin, in- thiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

2 PETER 3:18

Amiruokchu, ei Lalpa le San- damtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.