2 PETER 1:21 - Pathien Lekhabu Inthieng (BSI)

²¹ Thu hrillâwk hrim hrim hi mihriem thua suok a ni ngai si nawh a, mihaiin Thlarau Inthieng tirin, Pathien kuoma inthawkin an hril lem hlak a nih.

2 PETER 1:21 ပူးပေါင်းရင်းမြစ်များ

2 SAMUEL 23:2

LALPA thlarau chun keima mi hmangin a hril a, A thu chu ka leiah a um a.

1 LALHAI 13:1

Chun, ngai ta, Judai rama inthawkin Pathien mi, LALPA thuin Bethelah a hang feh a, chun, Jeroboam chu riminhnik raw dingin maichâm bula chun a lo ngîr a.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhriet- suoktir ding le ka naupa mi thatpêk dinga hung i ni hi tie!” a ta.

1 LALHAI 17:24

Nuhmei chun Elija kuoma chun, “Tu zet hin chu Pathien mi i na, i baua LALPA thu hi thutak a nih ti ka hung hriet tah,” a ta.

2 LALHAI 4:22

Chun, a pasal chu a ko a, “Ka ngên che hi, Pathien mi kuomah ka va tlâna ka hung kîr nâwk vak theina dingin siehlaw pakhat le sabengtung pakhat kha mi hung ngaituopêk rawh,” a ta.

2 LALHAI 4:7

Chun, a hung a, Pathien mi chu a hril a, ama chun a kuomah, “Fe la, hriek chu zawr la, i bat chu thung la, a la chuong chun nang le i naupa- salhai chu inchâwmna ro,” a lo tih a.

2 LALHAI 4:9

Chun, ama chun a pasal kuomah, “Ngai ta, hi mipa mi hung sir rawp hlaktu hi Pathien mi inthieng a nih ti ka hriet a nih.

2 LALHAI 6:10

Chun, Israel lal chun Pathien miin a lo hril ta hmun chu a vân enthlittir hlak a; chutaka chun vawi hni vawi khat chau khawm ni loin, a lo inhumhim hlak a.

2 LALHAI 6:15

Chun, Pathien mi siehlaw chu zîngkâr inhmatakin a tho a, a va suok chun, ngai ta, sipaihai chun sakawr leh, tawlailîr leh khuo chu an lo inhuol mup el a. Chun, a siehlaw chun a kuomah, “E khai, pu, iengtin am thaw tâng ei ta?” a ta.

1 CHANCHIN SUINA 23:14

Nisienlakhawm, Pathien mi Mosie chu, a naupasalhai chu Levi hnam laia lam sa a na.

2 CHANCHIN SUINA 8:14

Chun, a pa Davidin a lo sukdet ta angin, an rawngbâwlna dingin thiempuhai pâwl hun chu a ruotpêk a; chun, Levi mihai khawm chu sin tuk an nina, inpâk ding le thiempu- hai hmaa rawngbâwl dingin, ni tina a ṭûl ang peia an bituk angin a ruot bawk a; dai kawtkhâr tinahai chun kawtkhâr vêngtuhai chu an pâwl hun ang peiin, chuong ang chun Pathien mi David chun thu a lo pêk ta sih a.

JEREMIA 23:26

Zâwlnei thukhêl hriltuhai, anni lungril inhlêmnaa zâwlneihai chu, chuonghai lungrila chun hi hi ieng- chen am a um ding a na?

EZEKIEL 1:3

Kebar vadung panga Kaldaihai rama chun, Buzi naupa thiempu Ezekiel kuoma chun LALPA thu chu fietakin a hung tlung tah a; chutaka chun ama chunga chun LALPA kut chu a um a.

MIKA 1:1

Juda lal Jotham, Ahaz le Hezekia hai inlal laia Moreseth mi Mika kuoma LALPA thu hung tlung, Samaria khuo le Jerusalem chung- châng thu a hmu chu.

MIKA 3:7

Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si nawh a.

NAMBAR 16:28

Chun, Mosien, “Keia lungril puoksuoka thaw a ni nawh a, hieng thil thaw ding hin LALPAIN a mi tir a nih ti hienga hin hrieng in tih.

MARKA 12:36

David ngeiin, Thlarau Inthieng- in, ‘Lalpa chun ka Lalpa kuomah, Ka changtieng ṭhung rawh, I hmêlmahai i kepha hnuoia ka sie hmakhat chu,’ a tih a,

LUKA 1:70

(Leihnuoi insieng tîra a zâwlnei inthienghai baua a hril ang khan).

THILTHAWHAI 1:16

“Unauhai, Thlarau Inthiengin, David baua, Isu mantuhai ṭhuoitu Juda thu a hrillâwk kha, kha Pathien Lekha Thu kha hung tlung ding a ni hrim a nih.

THILTHAWHAI 28:25

An inngei ta nawh a, Paulain thu baukhat a hril zoin an suok tah a. A thu hril chu hi hi a nih: — “Thlarau Inthiengin zâwlnei Isai bauin in thlatuhai kuoma a hril kha ân dik ngawt el,

THILTHAWHAI 3:18

Nisienlakhawm, Pathienin zâwlnei po po bauah, Krista chun rinum a tuor ding thu ân hriettir lâwk kha; khâng ang khan ân tlungtir ta lem a nih.

DÂN PAHNINA 33:1

Hi malsâwmna hin a nih Pathien mi Mosie chun a thi hmaa Israel thlahai mal a sâwm chu:

HEBRAIHAI 10:15

Chun, Thlarau Inthieng khawm chun a mîn hriettir bawk a:

HEBRAIHAI 3:7

Chuongchun, Thlarau Inthieng hril ang bawkin:— “Vawisûn hin a râwl in hriet chun,

HEBRAIHAI 9:8

Thlarau Inthiengin hi hi ân hriettir a; Hmun inthienga lûtna lampui chu a lân lang hri nawh a, biekbûk tawntir chu a la ngîr sûng chun, ti hi;

JOSUA 14:6

Chuongchun, Juda thlahai chu Gilgalah Josua kuomah an va feh a, Keniz mi Jephunne naupa Kaleb chun a kuomah, “Kades-barneaa Pathien mi Mosie kuoma LALPAIN ka chungchâng le nanga chungchâng thu a hril kha i hriet a.

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hriet- lâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chan- pui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni sih a,” a ta.