2 PETER 1:16 - Pathien Lekhabu Inthieng (BSI)

¹⁶ Ei Lalpa Isu Krista thil- thawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni nawh a, a ropuina hmutuhai kan ni lem in sâwnnaw.

2 PETER 1:16 ပူးပေါင်းရင်းမြစ်များ

MALAKI 3:2

“Nisienlakhawm, a hungna nia chun tu am um thei a ta? Ama a hung inlang pha chun tu am ngîr a ta? Ama chu fiena mei ang le, puon sâwptu sabawn ang a ni sih a;

MALAKI 4:5

Ngai ta u, LALPA hungna ni ṭiumtak le nasatak hma ngei chun zâwlnei Elija chu hung tirpêk ka ti cheu.

MATTHAI 16:27

Mihriem Naupa hi a vântir- kohai leh, a Pa ropuinaa inthuomin a hung ding a ni sih a; chu pha chun mi tin an thilthaw ang peiin thung seng a tih.

MATTHAI 16:28

Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a tih a.

MATTHAI 17:1

Chun, ni ruk hnung chun Isûn Peter hai, Jakob hai, a unau Johan hai a ṭhuoi a, a tumin tlâng insângtakah a hang fepui a;

MATTHAI 24:27

Kâwl saktieng a hung inlep a, thlangtieng chen khawmin ân lang hlak. Mihriem Naupa hung nâwkna chu chuong ang chu a ni ding a ni sih a.

MATTHAI 24:3

Chun, Oliv tlânga a ṭhung laiin inchûktirhai chu anni khâtin a kuomah an hung a. “Chuong chu iengtik am hung um a ta? I hung nâwkna le khawvêl tâwpna inchikna chu ieng am nîng a ta? mi hril rawh,” an ta.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

MARKA 13:26

Chu phâ le chun Mihriem Naupa hi thilthawtheina nasatak leh sûm laia hung hmûng an tih.

MARKA 14:62

Chun, Isûn, “Ni e, Mihriem Naupa hi thilthawtheina chang tienga ṭhunga, vân sûm laia hung la hmûng in tih,” a ta.

LUKA 1:2

a tira inthawka hmutuhai le thu rawngbâwltuhaiin eini an mi hril ang khan,

LUKA 9:43

Chun, mi po poin Pathien ropuizie chu mak an ti hleh a. Chuongchun, mi po po chun a thilthaw po po chu mak an ti lai chun, Isûn a închûktirhai kuoma chun,

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:4

inthiengna Thlarau tieng thua ruok chun mithi laia inthawka a thonâwkna chun Pathien Nau a ni zie thilthawtheina nasatakin ân hriettir a;

1 KORINTH 1:17

Krista chun baptis dingin a mi tir si nawh, Chanchin Ṭha chu hril dingin a mi tir lem a nih; thu vara hril loin; chuong naw chun, Krista kraws chu iengkhawm ni loin inchangtir rawi an tih.

1 KORINTH 1:23

keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.

1 KORINTH 1:7

chuongchun, ei Lalpa Isu Krista inlârna nghâkin thilpêk hrim hrimah in hlawtling naw nawh a.

1 KORINTH 2:1

Chun, kei chu unauhai, Pathien thurûk hril cheuva in kuoma ka hung lai khan ka thu hril ropui le varna ropui le hung ka ni nawh a,

1 KORINTH 2:4

Ka ṭawngbau suok le ka thu hrilhai chu thu vara thlêmna thu a ni nawh a, Thlarau le thilthawtheina inhriettirin a ni lem kha;

1 KORINTH 5:4

nangni le ka thlarau chu ei Lalpa Isu thilthawtheinaa inkhâwmin;

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si nawh a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang nawh a, Pathien thu mi hlêmnain kan hmang bawk nawh a; thutak inhriettirin Pathien mit- hmuin mi tin sie le ṭha hrietna mit kan intlungtir lem hlak a nih.

EPHESI 4:14

Chuongchun, indiknawna zâwr- na angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei nih a,

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.

1 THESSALONIKA 2:19

Kan beiseina amanih, kan hlimna amanih, kan lallukhum suong amani chu ieng am a na? A hung phaleh ei Lalpa Isu hmaa chun nangni ngei in ni ding a ni naw am a nih?

2 THESSALONIKA 2:9

Chu Dân Bawsepa hungna chu Setan sinthaw zie ang peiin, thil- thawtheina tinrêng dâm, inchikna tinrêng dâm, khêl thilmak tinrêng leh,

1 TIMOTHE 1:4

tienami mei mei le sui sêng lo thlatuhai thu (ringnaa Pathien khawsakzie um hi sukṭhat nêka insêlna siem lem hlaktu chu) ngaisak lo dinga kâwk dingin tu khawm hin ka la ngên rawp che a nih.

1 TIMOTHE 4:7

Amiruokchu, Pathien inza nâw- na le pitarhai tienami thu mei mei chu dit naw rawh. Chun, Pathien ngaisak dingin insawizawi rawh.

TITA 1:14

Judahai tienami thu le, thutak nghatsantuhai thupêkhai chu an ngaisak nawna dingin.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu tah a, ei inhriettir a nih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.