2 PETER 1:1 - Pathien Lekhabu Inthieng (BSI)

¹ Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

2 PETER 1:1 ပူးပေါင်းရင်းမြစ်များ

ISAI 12:2

Ngai ta, Pathien chu ka san- damna a na, ring ka ta, ṭiin um naw ning ah; LALPA Jehova chu ka hrâtna le ka hla a ni sih a; a mi sandamtu a lo ni ta bawk a,” tiin.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘LALPA chu ei felna a nih,’ ti hi koa a umna ding hming chu ni ta bawk a tih.

MATTHAI 10:2

Tirko sâwm le pahni hai hming chu hieng hi an nih: A hmasataka chun Simon (Peter an ti) le a unau Andri hai, Zebedai naupa Jakob le a unaupa Johan hai;

MATTHAI 4:18

Chun, Galili dil panga a lêng malamin, unau pahni, Simon (Peter an ti chu) a unau Andri leh dila chun lên dêngin a hmuh a; nga mantu an ni hrim a.

LUKA 1:47

Ka thlarau khawm a mi sandamtu Pathien chungah a lâwm bêk bêk a,

LUKA 11:49

Chuleiin, Pathien varna khawmin, ‘An kuomah zâwlneihai le tirkohai tir ka ta, a ṭhen that an ta, a ṭhen suknawmnâng an tih;

JOHAN 1:42

Chuongchun, Isu kuomah a hung ṭhuoi a, Isûn ama chu a lo en a, “Johan naupa Simon i nih, Kipha tîng an ti che,” a ta, (chu chu Peter tina a nih.)

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:1

Paula, Isu Krista suok, tirko ni dinga ko, Pathien Chanchin Ṭha hril dinga ṭhethlâka um lekhathawn:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:12

Chu chu in ringna le keia ringnain ei inthlamuon tuo theina dingin ka tina a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 15:9

Kei chu tirko laia chîntak, Pathien kohranhai ka suknawmna leia tirkoa inbûk tlâklo ka ni sih a.

1 KORINTH 9:1

Zalên ka ni naw am a nih? Tirko ka ni naw am a nih? Ei Lalpa Isu chu ka hmu ta naw am a nih? nangnirawi chu Lalpaa ka sinthaw in ni naw am a nih?

2 KORINTH 4:13

Amiruokchu, “Ka awia, chuleiin thu ka hril a nih,” ti ziek ang khan, chu ringna lungril ngai chu putin, keini khawmin kan awi ve a, chuleiin thu kan hril bawk a;

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 2:8

(Sertanhai tirko ni dinga Peter ta dinga thaw pêktu ngei chun, Jentailhai tirko ni dingin ka ta ding khawma a mi thaw pêk sih a.)

EPHESI 3:5

Chu chu tulaia a tirko inthieng- hai le zâwlnei inthienghai kuoma Thlarau inhriettirin a um ta ang hin, tuta hma tieng khan mihriem nauhai kuoma inhriettirin a um ngai nawh.

EPHESI 4:11

Chuongchun, ṭhenkhathai chu tirko ni ding dâmin, ṭhenkhathai chu zâwlnei ni ding dâmin, ṭhenkhathai chu Chanchin Ṭha hriltu ni ding dâm- in, ṭhenkhathai chu kohran châwmtu le inchûktirtuhai ni ding dâmin a pêk a:

EPHESI 4:5

Lalpa pakhat, ringna hmunkhat, baptisma hmunkhat,

PHILIPPI 1:1

Paula le Timothe, Krista Isu suokhai chun: Krista Isua mi inthieng Philippia um po pohai kuomah, kohran hotuhai le rawngbâwltuhai kuoma leh:

PHILIPPI 1:29

Krista leia ama in ring chau ni loin, ama leia in tuor khawm phal a ni sih a,

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei loa, Krista ringna leia felna, (ringna leia Pathiena inthawka felna) chu nei lemin;

2 TIMOTHE 1:5

Ringna tak tak nangmaa um chu ka hriet zing sih a, chu ringna chu a tîrin i pi Loisiah a um a, i nu Eunikiah a um bawk a, nangmaa khawm a um ti indiktakin ka hriet.

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

TITA 2:13

beiseina lâwmum ei Pathien ropuitak Sandamtu Isu Krista ropui- na inlârna chu nghâk dingin a mîn chûktir a.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

1 PETER 1:1

Peter, Isu Krista tirko chun: Ponto ram dâm, Galati ram dâm, Kappadokia ram dâm, Asia ram dâm, Bethunia ram dâma Indar umhai,

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

1 PETER 2:7

Chuongchun, nangni a awihai ta ding chun hlutak a nih, a awi nawhai ta ding ruok chun, “In bâwltuhaiin lung an dit naw kha, Chu ngei chu a kia lung ṭangkai tak a lo ni tah,

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun: