2 LALHAI 17:3 - Pathien Lekhabu Inthieng (BSI)

³ Assuria lal Salmaneserin a hang rûn a; chuongchun, Hosea chu a sie- hlawah a um tah a, sie dâm a pêk hlak a.

2 LALHAI 17:3 ပူးပေါင်းရင်းမြစ်များ

2 SAMUEL 8:2

Chun, Moab mihai a thaw nâwk a, a hnuoiah ân zâltir a, inkhina hruiin ân khih a; tlar hni chu suk- hlum dingin ân khih a, tlar khat chu a tluona hring dingin ân khih a. Chuongchun, Moab mihai chu David siehlawhai an hung ni tah a, thil- pêkhai dâm an hung pêk hlak a.

2 SAMUEL 8:6

Chuongchun, David chun Suria rama Damaskaa chun sipaihai a sieh a; chuongchun, Suria mihai chu David siehlawhai an hung ni tah a, thilpêkhai an hung pêk hlak a. Chun, LALPAIN David chu a fena tieng ta- phawta chun ân hnetir pei a.

2 LALHAI 15:19

Assuria lal Pula chun an ram chu a hung thawh a; ram chu a nei nghetpui theina dingin Menahem chun Pula chu tangka talent sâng a pêk a.

2 LALHAI 15:20

Chun, Menahem chun Assuria lal pêk dingin Israel mi neinunghai po poa inthawk chun tangka shekel sâwmnga seng a dâwl a. Chuong- chun, Assuria lal chu a kîr nâwk tah a, chu rama chun a um zing nawh a.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 17:2

Chun, LALPA mithmuah thil ṭha nawtak a thaw hlak a, amiruokchu, a hmaa Israel lalhai ang êm chun chu a thaw nawh a.

2 LALHAI 17:4

Chun, Assuria lal chun Hosea in a phier rûk thu a lo hriet a, Aigupta lal So kuomah mi a tir bawk a, kum tina a pêk hlak ang khan Assuria lal chu sie chu a pêk ta bawk si nawh a; chuleiin, Assuria lal chun intângna inah khuop pumin a khum tah a.

2 LALHAI 18:31

Hezekia thu chu pawm naw ro, Assuria lal chun hieng ang hin a ti a nih: Mîn rempui unla, ka kuomah hung thla ro, mi tinin mâni grêp hruia mi le, mâni theichang kûnga mi fa seng unla, mi tinin mâni tuikhur tui tlân seng ro:

2 LALHAI 18:7

Chuongchun, LALPA chu a kuomah a um a; a suok invâkna taphawta chun a tluongtlung pei a; Assuria lal chunga chun a hel a, a rawng a bâwl ta nawh a.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suk- langtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai nawh rawh.

ISAI 17:4

Chu nia chun, Jakob ropuina chu sukchêrin um a ta, a tisa thâuna chu hung chêr tâng a tih.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

EZEKIEL 23:5

Chun, Ohola chun ka ta a ni sûng khawm chun nawchi a zawr a; a dit zâwnghai a tuolbâwm Assuria mihai ân saipuia,

HOSEA 10:14

Chuleiin, i mihai laia chun buoi mup mupna hung suok a ta, Salman chun indona nia Beth- arbel a suksiet ang khan, I kulhai po po chu suksiet nîng a tih; Nu chu a nauhai leh peinawiin an um a nih.

HOSEA 10:4

Thuthlung an siemna tienga chun khêla inkhâmin. Thu teplo an hril a; Chuleiin, lo inlet changkuong thlûra hlohna tûr nei ang elin Rorêlna a hung inder suok a nih.

HOSEA 8:10

Anih, hnam danghai laia chun intlawn chîng sienla khawm, Tuhin anni chu kei khâwm ka tih, Lal le hotuhai rikphur leiin an kiem ṭan a nih.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.