2 LALHAI 1:2 - Pathien Lekhabu Inthieng (BSI)

² Chun, Ahazia chu Samaria khuoa um a in pindan chunghnung inhuonna dai âwngkâra chun a tlah a, a damnaw tah a; chun, tirtâwnhai a tir a, “Fe unla, Ekronhai Pathien Baal-zebub chu hi natnaa inthawk hin ka dam nâwk ding am va râwn ta u,” tiin.

2 LALHAI 1:2 ပူးပေါင်းရင်းမြစ်များ

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 14:3

Beiphêk sâwm le, bei tlang chitê tê, khuoizu bûr khat leh chawi la, a kuomah va fe ta, naupang um dân ding chu lo hril a ti che,” a ta.

1 LALHAI 22:34

Chun, mi pakhat hin tum bîk neilo hin a thalngul a kuoi a, Israel lal chu âwmphaw le âwmphaw inkârah a kâp a, chuongchun, a tawlailîr khaltu kuoma chun, “Kei her la, sipaihai laia inthawk hi mi suokpui raw khai, hliemna natak ka tuok ta hi,” a ta.

1 LALHAI 22:40

Chuongchun, Ahab chu a puhai kuoma chun a in tah a; chun, a nau- pa Ahazia chu ama aiawin ân lal tah a.

2 LALHAI 1:16

Chun, a kuomah, “LALPA chun hieng hin a ti a nih, ‘Ekronhai pa- thien Baal-zebub chu thu indawn dinga tirtâwnhai i lo tir hi, Israel rama hin Pathien rawn ding hrim an um naw lei a ni maw? chuleiin, khum i kainaa inthawk khan ṭum nâwk ta naw ti nih a, i thi ngei ngei ding a nih,’ tiin,” a ta.

2 LALHAI 1:3

Nisienlakhawm, Tisbe mi Elija kuoma chun LALPA vântirkoin, “Tho la, Samari lal tirtâwnhai chu intuokpui dingin fe rawh; chun, an kuoma chun, Israel rama hin Pathien a um ta naw leiin amanih Ekronhai pathien Baal-zebub chu râwn dinga in fe chu?

2 LALHAI 1:6

Anni chun a kuomah, “Mi pa- khat keini mîn tuokpui dingin a hung a, kan kuomah, ‘Fe unla, kîr nâwk unla, lal a tirtu cheu kuoma chun hieng hin va hril ro, LALPA chun hieng hin a hril a nih, Israel rama hin Pathien a um ta naw leiin am a ni Ekronhai pathien Baal-zebub chu thu indawn dinga mi i tir chu? Chulei- chun, khum i kainaa inthawk khan ṭum nâwk ta naw ti nih a, i thi ngei ngei ding a nih,’ tiin, ti rawh, a tih a,” an ta.

2 LALHAI 17:16

Chun, LALPA an Pathien thu- pêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

JOB LEKHABU (THE BOOK OF JOB) 31:3

Mi fello ta dingin vângduoina, Rîtlona thawtuhai ta dingin sietna a ni naw am a nih?

HLAHAI HLA 2:9

Ka hmangaitak chu sakhi amanih, sazuk la amanih ang a na, Ngai ta, ei bang phênah a ngîr zing. A hung bi khu tukvera chun, Zâwngdaikal âwngah ân lang.

ISAI 19:3

Chuongchun, Aigupta mihai thlarau chu an sûnga chun ieng- khawm ni loa siemin um a ta; an remruot chu suksieng ka tih: chuong- chun, milimhai le, aikeithiemhai le, khawhri aisânthiem zâwlhai le, dawi- thiemhai chu râwn an tih.

ISAI 2:6

Khawsak tienga dân hung suokhaiin an hung sip a, Philistin mihai anga aisânthiemhai an nih a, ram dang mi nauhai leh kut le kut an inben leiin, i mi Jakob sûnghai chu i mâksan ta sih a.

ISAI 37:12

Hnam tin pathienhai chun, Gozan mihai dâm, Haran mihai dâm, Rezeph mihai dâm, Eden nau Telas- sar khuoa umhai dâm, a mi thlatu- haiin an sukbohmang hai kha, an sanhim am a nih?

ISAI 37:19

an pathienhai chu meiah an pei bawk a; chuonghai chu Pathien an ni naw hrim a nih; mihriem kuta siem, thing le lung an ni lem; chuleichun, an sukbohmang a nih.

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MARKA 3:22

Chun, Dân Inchûktirtuhai Jeru- salema inthawka hung thlahai chun, “Beelzebub a zâwl a ni hi,” an tih a. “Khawhri lal lei annâwm khawhrihai a hnawt dawk hlak hi,” an ti bawk a.

LUKA 11:15

Nisienlakhawm, a ṭhen chun, “Khawhri lal Beelzebub leiin annâwm khawhrihai a hnawt dawk hlak chu,” an ta.

THILTHAWHAI 20:9

Chun, a hming Eutuk, tlangvâl pakhat tukvera chun a ṭhung a, a lo inlusu a lo inlusuh a. Paula thuhril chu a sâwt ta leiin a îmu suok chu a tuor ta nawh a, in sâwng thumnaa inthawk chun a tla tah a, a thiin an lâk tah a.

JOSUA 15:11

chun, ramri chu hmârtieng panga Ekron hrûla chun a fe suok a, chun, ramri chu Sikkeronah an infe- tir a; chun, Baala tlângah a fe pei a, Jabneelah a fe thla a, chuongchun, ramri chu tuisuorietah a va tâwp a.

RORELTUHAI 11:24

I pathien Kemosin i puola a lo ruotpêk che chu i nei el ding a ni naw am a nih? Chun, LALPA kan Pathien- in kan hmaha a lâkpêkhai chu kan nei ding a nih.

RORELTUHAI 5:28

Sisera nu chu tukverah a hung dâk a, Zâwngdaikal âwnga chun a ko a; ‘Iengtizieha tawlailîr chu hung tlung intak am a nih a? Iengdinga tawlailîr kehai chu muong vieu am a nih a?’ a tih a.

1 SAMUEL 5:10

Chuongchun, Pathien bâwm chu Ekronah an infetir a. Pathien bâwm chun Ekron a va tlung chun, Ekron khuoa mihai chu, “Israel- hai Pathien bâwm chu eini le ei mihai sukhlum dingin ei kuomah an hung lâk tah,” tiin an khêk ta rak el a.