2 KORINTH 8:8 - Pathien Lekhabu Inthieng (BSI)

⁸ Thupêk tiengin ka hril nawh a, mi dang ṭhahnemngainain in hma- ngaina takzie khawm chu infie dingin ka hril lem a nih.

2 KORINTH 8:8 ပူးပေါင်းရင်းမြစ်များ

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang loin ni raw se. Suol tieng chu theida unla, ṭha tieng chu pawm tlat ro.

1 KORINTH 7:12

Mi dang kuoma ruok chun Lalpa ni loin keiin ka hril: Unau tûkhawmin nuhmei awilo mi nei sienla, ama chun a kuoma um zing a lungni phawt chun ma naw raw se.

1 KORINTH 7:25

Chun, nunghâk inthieng tieng thua ruok chun Lalpa thupêk hrim ka nei nawh a; nisienlakhawm, ringuma um dinga Lalpa kuoma inthawka lunginsietna hmu ka ni leiin ka ngaituo ang hril ka tih.

1 KORINTH 7:6

Nisienlakhawm, hi thu hi thupêk ang tienga ka hril a ni nawh a, phal tieng thua ka hril lem a nih.

2 KORINTH 6:6

inthiengnaa dâm, hrietnaa dâm, dawtheinaa dâm, ngilneinaa dâm, Thlarau Inthienga dâm, hmangaina taktaka dâm;

2 KORINTH 8:10

Chuongchun, chutaka chun ka ngaidân ang a nih ka hril, chu chu in ta dingin a ṭha sih a, kum khat a ni tah a, a phut hmasatuhai in na, in thaw phut chau khawm ni loin a thaw nuom hmasatak khawm in ni kha.

2 KORINTH 8:24

Chuleichun, in hmangai ti hrietna le, kan suongna cheu hrietna chu kohranhai hmaa chun an kuoma hin suklang ro.

2 KORINTH 9:2

inzosa zinga um in nih ti ka hriet sih a, chu kawng thua chun, “Kum khat a ni tah, Akaia ram chu inbuotsaiin an um tah,” tiin Makedonia rama mihai kuomah ka suong hlak cheu a; chuongchun, in ṭhahnemngaina chun anni laia mi tamtak a chawkhar tah a.

2 KORINTH 9:7

Mi tinin inro puma pe loin, pêk naw thei naw anga ngaia pe bawk loin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.

EPHESI 4:15

hmangaia thu diktak hrilin, iengkimah amaah inṭhang lien thei lem ei tih; ama chu Lu a na, Krista chu.

EPHESI 6:24

Ei Lalpa Isu Krista chuoiloa hmangaituhai po po kuomah lunginsietna um raw se.

HEBRAIHAI 10:24

Chun, hmangai le thilthawa in- chawktho tuo dingin inngaituo seng ei tiu.

JOSUA 24:14

Chuleiin, LALPA chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, LALPA rawng chu bâwl ro.

1 PETER 1:22

Unauhai hmangai taktak ding- in, thutak zâwma in thlarau in suk- thieng ta leiin lungrila ṭhahnem- ngaitakin inhmangai tuo ro.