2 KORINTH 8:6 - Pathien Lekhabu Inthieng (BSI)

⁶ Chuongchun, inhmaa an lo thaw ṭan ta lei khan hi lunginsietna khawm hi nangnia thaw zo nghâl dingin Tita chu kan ngên ta rau a.

2 KORINTH 8:6 ပူးပေါင်းရင်းမြစ်များ

THILTHAWHAI 24:17

Chun, kum tamtak hnunga hin ka chipuihai lai thilpêk ding chawiin, inthâwina inhlân dingin ka hung a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:25

Tu ruok hin chu mi inthienghai rawngbâwl dingin Jerusalemah ka fe phawt ding a nih.

2 KORINTH 12:18

Tita chu kân fui a, unaupa chu ama ruolin ka tir a nih. Tita chun hlâwk phâna hrim hrim a nei cheu am a nih? Lungril hmunkhat puta lêng kan ni naw am a nih? Hnung thuhmun chara lêng kan ni naw am a nih?

2 KORINTH 2:13

ka unaupa Tita ka hmu naw leiin ka thlarau tieng chun muongna hrim hrim ka nei chuong nawh a; chuongchun, anni chu bau ṭhain ka ṭheh a, Makedonia ramah ka fe tah a.

2 KORINTH 8:10

Chuongchun, chutaka chun ka ngaidân ang a nih ka hril, chu chu in ta dingin a ṭha sih a, kum khat a ni tah a, a phut hmasatuhai in na, in thaw phut chau khawm ni loin a thaw nuom hmasatak khawm in ni kha.

2 KORINTH 8:19

Chuong chau khawm chu a ni nawh a, Lalpa ropuizie le kan inzozie inentir dinga a rawng kan ibâwl hi lunginsietna thua hin keini le khuo fang ve dingin kohranhai iruot ve hrim a ni bawk a.

2 KORINTH 8:23

Tita hi chu ka ruolpa le nangni tienga ka sinthawpui a na; chun, kan unauhai hi chu kohranhai tirko, Krista ropuina chu an nih.

2 KORINTH 8:4

lunginsietna mi inthienghai rawngbâwla ṭhang ve chu nasataka keini mi hniin.

2 KORINTH 9:5

Chuleiin, unauhai hi, thilpêk in itiemlâwk kha lo siem lâwk dinga in kuoma hung hmasa dinga ngên ṭulin ka ring a nih, chu ngei chu lâkpêk ang ni loa, phal taka pêk ang lemin inzosaa a lo umna dingin.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

1 PETER 4:10

mi tinin, Pathien lunginsietna tinrêng enkawltu ṭha angin, Pathien thilpêk an dawnghai taphawt chu hmangin rawng inbâwl tuo seng ro.