2 KORINTH 8:12 - Pathien Lekhabu Inthieng (BSI)

¹² Inzona chu a um phawt chun, mi a nei naw sa ni loin, a neizie ang peia a pêk chu lâwm tlâk a ni sih a.

2 KORINTH 8:12 ပူးပေါင်းရင်းမြစ်များ

2 CHANCHIN SUINA 6:8

Amiruokchu, LALPA chun ka pa David kuoma chun, ‘Ka hming dingin, in bâwl dingin lungril i nei a ni âwm a; hieng i lungrila um hi i thaw ṭha ngawt el;

FESUOKNA 25:2

“Israel thlahai kuoma chun hril la, ka ta dingin thilpêk dâwl raw hai se; mi tin a lungrila inhâwktaka petua inthawkin ka ta dinga thilpêk chu in lâk ding a nih.

FESUOKNA 35:24

Mi tin dârsen le tangkaruoa thilpêk inhlân theitu chun LALPA ta dinga thilpêkah a hung chawi bawk a.

FESUOKNA 35:29

Israel thlahai pasal tin le nu- hmei tin an lungrila pêk nuomna neihai chun LALPAIN Mosie hmanga thu a pêk tah sin po po thâwnaa dingin anni nuomthua LALPA ta dinga thilpêk chu an hung pêk a.

FESUOKNA 35:5

‘Nangni lai LALPA kuoma thilpêk ding dâwl ro, mi tukhawm lungrila pêk inhâwkna nei chun LALPA kuoma thilpêk chu hung chawi sienla, rângkachak, tangkaruo le dârsen:

THUVARHAI 19:22

Mihriem nuom zâwng chu a lunginsietna inkhina a na, Mi pasie chu mi khêlhlip nêkin a ṭha lem.

MATTHAI 25:17

Chuong ang bawkin talent hni dawngtu khawm chun talent hni dang a sukdawk tah a.

MATTHAI 25:22

Chun, talent hni dawngtu khawm chu a hung a, ‘Pu, nangin talent hni i mîn kawltir kha, en ta, talent hni dang ka sukdawk,’ a ta.

LUKA 16:10

Tukhawm tlâwmte chunga ringum chu tamtak chunga khawm ring a um hlak. Tukhawm, tlâwmte chunga ringum naw chu tamtak chunga khawm ring a um nawh.

2 KORINTH 8:11

Chuongchun, nuom dinga in- zona a um ang khan, in nei ang peia hlenna khawm a um theina dingin, tuhin chu thaw sawng ta ro.

2 KORINTH 8:13

Mi dang inrim loa, nangni in inrimna dinga ka ti a ni nawh a;

2 KORINTH 8:19

Chuong chau khawm chu a ni nawh a, Lalpa ropuizie le kan inzozie inentir dinga a rawng kan ibâwl hi lunginsietna thua hin keini le khuo fang ve dingin kohranhai iruot ve hrim a ni bawk a.

2 KORINTH 9:7

Mi tinin inro puma pe loin, pêk naw thei naw anga ngaia pe bawk loin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.

1 PETER 4:10

mi tinin, Pathien lunginsietna tinrêng enkawltu ṭha angin, Pathien thilpêk an dawnghai taphawt chu hmangin rawng inbâwl tuo seng ro.