2 KORINTH 7:8 - Pathien Lekhabu Inthieng (BSI)

⁸ Ka lekhathawn khan suklung- ngai cheu lang khawm kân sîr ta nawh a; a phut ruok khan chu kân sîr a nih, kha lekhathawn khan a suk- lungngai cheu ti ka hriet leiin; nisienlakhawm, sâwtnawtê chau a ni kha.

2 KORINTH 7:8 ပူးပေါင်းရင်းမြစ်များ

ṬAP HLA 3:32

Lungngaina intlungtir hlak sien khawm, a zângaina hauzie ang peiin lunginsietna chu nei a tih.

JOHAN 16:6

Hieng thu hi in kuomah ka hril leiin in lungril chu lungngaiin a sip ṭeu lem tah a.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

2 KORINTH 7:11

Chuongchun, hi thil hi inchik ro: Pathien dit zâwnga suklung- ngaina chun, thil lâk ursûnna dâm, pawi tâwk ve naw in nih ti inlangtir nuomna dâm, suol theidâna le suol ṭina dâm, chuong ang ngaituona hrât tak le ṭhahnemngaina tak dam, suol thawtu chu thunun dinga inpei zingna dâm, ân neitir cheu a ni hi. Iengkimah chuong thua chun in inthieng tah ti in suklang tah a.

2 KORINTH 7:12

Chuongchun, in kuomah ziek lang khawm a suol thawtu lei khan ka ziek nawh a, a suol tuortu lei khan ka ziek bawk nawh a, kan chunga in ṭhahnemngaizie Pathien mithmua in kuoma inhriettira a um theina dingin ka ziek lem a nih.

2 KORINTH 7:6

Nisienlakhawm, inngaitlâwmhai thlamuongtu Pathien chun, Tita hungna chun a mi thlamuong tah a;

2 KORINTH 7:7

a hungna chau chun a ni nawh a, in lunginlêngzie dâm, in ṭapzie dâm, ka chunga in ṭhahnemngaizie dâm a mi hrilin, nangnia a thlamuongna khawm chun a mi thlamuong ta a nih; chuongchun, ka lâwm nâwk zuol tah a.

2 KORINTH 7:9

Tuhin chu ka lâwm a nih, suklungngaia in um lei a ni nawh a, simna dinga in lungngai leiin a ni lem a nih, keia leia iengkhawm in chân nawna dingin, Pathien dit zâwnga suklungngaiin in um sih a.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.