2 KORINTH 7:3 - Pathien Lekhabu Inthieng (BSI)

³ Chu chu thiemnaw inchangtir ding cheuin ka ti a ni nawh a, thi leh thi tlânga, dam leh dam tlâng dingin kan lungrila hin kan invawi cheu ti inhma el khan ka hril cheu kha.

2 KORINTH 7:3 ပူးပေါင်းရင်းမြစ်များ

2 KORINTH 11:11

Ieng leiin am? Ka lunginsiet naw lei cheu am a nih? Ka lunginsiet zie cheu chu Pathienin a hriet.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 13:10

Chuleiin, sukse ding ni loa, siem ṭha ding lema Lalpain thuneina a mi pêk ang pei khan, in kuoma ka um pha nataka ka kâwk nawna ding cheuin in kuoma ka um naw lai hin hieng thu hi ka ziek a nih.

2 KORINTH 3:2

Nangni hi kan lekha, kan lungrila ziek, mi po po ihriet le tiem chu in nih,

2 KORINTH 7:12

Chuongchun, in kuomah ziek lang khawm a suol thawtu lei khan ka ziek nawh a, a suol tuortu lei khan ka ziek bawk nawh a, kan chunga in ṭhahnemngaizie Pathien mithmua in kuoma inhriettira a um theina dingin ka ziek lem a nih.

PHILIPPI 1:7

Nangni po po tienga chuong ang lungril put chu keia ta ding chun a âwm hrim a nih, lungrila ka vawn cheu leiin; ka kawl bunnahai, Chanchin Ṭha thiemna thu ka hrilna le ka sukdetnahaia khawm in rêngin lunginsietna chu a mîn ṭâwmpui- tuhai in ni sih a.

1 THESSALONIKA 2:8

Chuong ang bawkin, kan dit zâwng tak in hung ni ta lei khan, kan dit ngawi ngawi cheu a, Pathien Chanchin Ṭha chau ni loin kan hring- na rau khawm pêk cheu kan inhuom kha.