2 KORINTH 5:8 - Pathien Lekhabu Inthieng (BSI)

⁸ muongtakin ei um ka ti a nih, taksaa um loa Lalpa kuoma um ei nuom lem.

2 KORINTH 5:8 ပူးပေါင်းရင်းမြစ်များ

INPÂKNA HLABU 16:11

Nangin hringna lampui chu min hriettir i ta, I hmaa chun hlima sipliemna a um a; I kut changtienga chun kumkhaw lâwmna ding a um.

INPÂKNA HLABU 17:15

Kei ruok chun felna neiin i hmêl hmûng ka ta, Nanga angna neia ka meng pha chun lungawi tâwk zet tâng ka tih.

THUVARHAI 14:32

Mi khawhlo chu a thilthaw ri- loa chun sukthlûkin a um a, Mi fel ruok chun a thinaa chun beiseina a nei hlak.

MATTHAI 25:21

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che, i pu lâwmnaah lût rawh,’ a ta.

MATTHAI 25:23

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che; i pu lâwmnaah lût rawh,’ a ta.

LUKA 2:29

“Lalpa, tuhin i thu ang peiin i suok hi thlamuongtakin în fetir ding a na;

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 14:3

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

THILTHAWHAI 21:13

Paula chun a dawn a, “Ieng am in ti a ni leh, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni loin, thi khawm ka huom in sawnnaw,” a ta.

2 KORINTH 5:6

Chuongchun, taksaa ei um sûngin, Lalpa kuomah ei um nawh ti hrein kumkhuoin muongtakin ei um hlak;

2 KORINTH 5:9

Chuleiin, um inla um naw inla khawm, ama lâwm zâwng ni ei tum tlat hlak a nih.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri nawh a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni sih a.

THUPUONGSUO 22:3

Chun, ṭawngsie hrim um nâwk ta naw nih a, Pathien le Berâmte lal- ṭhungpha chu um lem tâng a tih; chuongchun, a suokhai chun a rawng bâwl an ta,