2 KORINTH 5:16 - Pathien Lekhabu Inthieng (BSI)

¹⁶ Chuleichun, tuta chena hin, keini chun tisa tienga chun tûkhawm hre ta naw ning ungah; tisa tiengah Krista chu lo hre ta inlang khawm, tuhin chu kan hriet nâwk ta nawh.

2 KORINTH 5:16 ပူးပေါင်းရင်းမြစ်များ

NAMBAR 10:30

Ama chun a kuomah, “Hung da el ka tih, keini ramah ka laibunghai kuomah fe lem ka tih,” a ta.

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

JOHAN 15:14

Thu ka pêk taphawt cheu in thaw chun, ka ruolhai nîng in tih.

JOHAN 2:4

Isu chun a kuomah, “Nuhmei, nanga mi lo hrietpêk ding ieng am a um a? ka hun a la tlung nawh,” a ta.

JOHAN 6:63

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

JOHAN 8:15

Nangnîn tisa angin in sawisêl hlak; kei ruok chun tukhawm ka sawisêl nawh.

2 KORINTH 11:18

Mi tamtakin tisa anga an suong leiin kei khawmin hang suong vêng ka tih;

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

DÂN PAHNINA 33:9

‘Ka nu le ka pa ka hriet nawh,’ titu, A unauhai hre lo a, Ama nauhai ngei khawm hre bawk lotu kuoma chun, I thu chu an pawm a, I thuthlung chu an zâwm sih a.

PHILIPPI 3:4

Nuom lang lem chu kei khawm tisa chunga ringna innghat thei ka nih in sawnnaw. Mi dang hrim hrimin tisa chunga ringna innghatna neia an inngai chun, kei kân ngai nâwk zuol a nih.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei nawh a, a vervêk naw a nih.

1 SAMUEL 2:29

Ieng leiin am ka umnaa inhlân dinga ka ruot ka kuoma inthâwina le ka puola thil inhlân chu in sirde a, keia nêka i nauhai i chawimawi lem a, nangni insukthâuna dinga ka mi Israelhai inthâwina a ṭha ṭha in hmang am a na?’ tiin.