2 KORINTH 5:14 - Pathien Lekhabu Inthieng (BSI)

¹⁴ Krista hmangaina chun keini a mi tirlui a nih, hieng ang hin kan ngaituo; mi po po thi aiin mi pakhat a thih a, chuleiin, mi po po chu an thi a nih.

2 KORINTH 5:14 ပူးပေါင်းရင်းမြစ်များ

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta nawh a, Krista chu keimaah a hring lem a nih; chun, tuta tisaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:15

Nisienlakhawm, thilthlâwnpêk chu bawsietna leh ân ang nawh. Mi pakhat bawsietna lei hman khan mi tamtak chu an thi si chun, Pathien lunginsietna le mi pakhat Isu Krista lunginsietna leia thilpêk chu, mi tamtak chungah vurin um ngei a tih.

MATTHAI 20:28

Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

HEBRAIHAI 6:10

In sin thaw le a hming leia hmangaina in inlangtir, mi inthieng- hai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si nawh a.

2 KORINTH 3:9

Thiemnaw inchangtirna rawng- bâwlna hman a ropui chun, felna rawngbâwlna chu ropuina tieng chun a nasa lem bêk bêk ding a nih.

HEBRAIHAI 2:9

Nisienlakhawm, Isu vântirkohai nêka inhnuoia siema la um hri chu thina tuor leia ropuina le chawi- mawina inkhumtira umin ei hmu ta lem a nih; Pathien lunginsietna leia thîna chu mi tin ân tempêkna dingin.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

1 TIMOTHE 5:6

Nisienlakhawm, hmeithai mâni inhawitirna ngawta inpe chu, a dam lai khawm a thi a nih.

1 KORINTH 16:22

Tûkhawmin Lalpa a hmangai naw chun ṭawngsephurin um raw se. Ei Lalpa chu a hung ie.

1 TIMOTHE 2:6

mi po po intlanna dinga inpe chu a nih; chu chu a hun tak peia inhriettirin a um ding a nih;

KOLOSSA 2:13

Chun, nangni bawsietnahai le tisaa sertan nâwna leiin thi in lo nih a, nangni ngei chu ama leh a sukhring cheu in ni kha. Ei baw- sietnahai po po a mi ngaidam a.

EPHESI 6:24

Ei Lalpa Isu Krista chuoiloa hmangaituhai po po kuomah lunginsietna um raw se.

JOHAN 11:25

Chun, Isûn a kuomah, “Kei hi thonâwkna le hringna chu ka nih; tûkhawm a mi ring chu thi sienla khawm hring zing a tih;

HLAHAI HLA 1:4

Mi hîp la, i hnungah hung tlân kan tih: Lal chun a pindanhaia chun a mi ṭhuoi a; Nangmaa chun hlimin lâwm kan tih; Uoin nêk chun i hming chu hung hril lem kan ta; An hmangai takzet che a nih.

1 KORINTH 2:14

Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni sih a; Thlaraua hriet chieng a ni leiin a hriet thei naw hrim a nih.

LUKA 15:24

hi ka naupa hi a thih a, a hung hring nâwk tah a ni hi; ân hmang a, ei hmu nâwk tah a ni hi,’ a ta. Chuong- chun, hlimtakin an um ṭan tah a.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; LALPA chun ama chunga chun ei rênga khawhlona chu ân nghat tah a.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

2 KORINTH 3:7

Mosie hmêl a ropui leiin Israel nauhai chun a hmêl an en zing thei nawh a. (chu ropuina chu a bo ta riei riei a), thina rawngbâwlna lunga hawrawpa ziek hman, chuong ang khawpa ropuiin a tlung chun,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:2

Chuong thil thaw hlaktuhai chunga Pathienin a sawisêlna chu thu indiktak a nih ti ei hriet sih a.

JOHAN 5:25

Titakzetin, titakzetin ka hril cheu hi, a hun a tlung ding a ni tah, tu khawm hin a tlung zing tah, chu pha chun mithihaiin Pathien Naupa râwl hrieng an ta, a hre taphawt hring an tih.

JOB LEKHABU (THE BOOK OF JOB) 32:18

Thuhaiin ka sip sih a; Ka sûnga thlarau hin a mi tirlui a nih.

THILTHAWHAI 18:5

Chun, Sila le Timothe chu Makedonia rama inthawka an hung thla chun, Paula chu thu hril chauin a um tah a, Isu kha Krista a nih ti Judahai chu a hrilfie a. Nisien- lakhawm, an kalin an hrilpâwi a,

LUKA 24:29

Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût tah a.

LUKA 15:32

Hlimtak le lâwmtaka um ding a ni hrim annâwm; hi i sang hi a thih a, a hung hring nâwk tah a; ân hmang a, ei hmu nâwk tah a ni sih a,’ a tih a,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:6

Hieng hi ei hriet; ei mihriem hlui chu a kuoma hemdein a um ve tah, suol taksa chu sukboa a um theina dinga, tuta chen chu suol suoka ei um ta nawna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

KOLOSSA 3:3

In thi tah a, in hringna chu Pathiena chun Krista kuomah thupin a um sih a.

1 CHANCHIN SUINA 11:18

Chuongchun, mi pathumhai chun Philistin sipaihai chu an nêr- thleng a, kul kawtkhâr bula Beth- lehema tuisunsuoa inthawk chun tui chu an va chawi a, an hung lâk a, David kuomah an hung lâk tah a: nisienlakhawm, David chun tui chu a dawn nawh a, LALPA kuomah a bunthlâk ta lem a.