2 KORINTH 4:8 - Pathien Lekhabu Inthieng (BSI)

⁸ Khing tieng khing tienga hneng- dein kan um a, nisienlakhawm, kan thuok a dawng si nawh; lunginzîngin kan um a, nisienlakhawm, kan bei a dawng si nawh.

2 KORINTH 4:8 ပူးပေါင်းရင်းမြစ်များ

INPÂKNA HLABU 129:2

“Ka naupang chîntea inthawk mihaiin vawi tamtak an mi suklungzîng a, Nisienlakhawm, an mi hne si nawh.

INPÂKNA HLABU 37:33

LALPAIN ama chu a kutah mâksan naw nih a, An ro a rêl pha chun thiemnaw inchangtir phal bawk naw ni.

THUVARHAI 14:26

LALPA ṭinaa hin ringna nghettak a um a, A thlahai chun inhumhimna hmun nei an tih.

THUVARHAI 18:10

LALPA hming chu kulbîng dettak a na, Mi fel chu chutaka chun a tlân lût a, a him hlak.

ISAI 40:31

LALPA nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl loin tlân an ta; châu loin kein fêng an tih.

HABAKKUK 3:17

Theichang kûng chu pâr naw sien khawm, Grêphruia chun a ra um naw bawk sien khawm; Oliv leia sin inrimna chu hung thlâwnin, Lohai chun bu insuo naw bawk hai sien; Berâm ruol chu a ina inthawka sât thlâka umin, Bâwng ina chun bâwng ruol khawm um naw bawk hai sien khawm,

JOHAN 14:18

Fahrain fe san naw ning cheu; in kuomah hung nâwk ka tih.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

2 KORINTH 12:10

Chuleiin, Krista leiin hrâtnaw- naahai, sietnaahai, hnengdenaahai, suknawmnatnaahai, hnawchêpnaa- hai, ka lâwm hlak a nih; ka hrât naw po leh ka hrât hlak a nih.

2 KORINTH 6:12

keinîn kan lungril kan khârpêk cheu a ni nawh a, nangnîn in mi khârpêk lem a nih.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

2 KORINTH 7:5

Makedonia ram kan tlung khawm khan kan tisa chun muongna hrim a nei chuong nawh a; khing tieng khing tienga sukrinumin kan um ta lem a, puotiengah insuol- nahai a um a, sûngtiengah ṭitnahai a um a.

GALATI 4:20

Anih, tulai hin in kuoma uma ka rawl sukdanglam kân hâwk thei zie chu, in chungthuah ka lunginzîng sih a.

1 SAMUEL 28:15

Chun, Samuel chun Saula kuomah, “Iengdinga hienga i mi ko suok buoi am a na?” a ta. Saula chun a dawn a, “Ka lunginzîng êm êm ela a nih, Philistin mihai chun an mi do a, Pathien hlak chun a mi nghatsan a, zâwlneiin amanih, mangin amani khawm a mi dawn ta hrim hrim nawh a; chuleiin, ka thaw ding mi hril dingin ka ko el che a nih,” a ta.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienla- khawm, David chu a Pathien LALPAA chun ân sukhrât a.

1 SAMUEL 31:4

Chuongchun, Saula chun a râl- thuom chawitu kuoma chun, “I kâwlhnâm kha phawi la, mi hang sunthleng rawh, chuong naw chun hieng sertanlohai hi hung an ta, mi hung sunthleng an ta, mi uongkhum nghe nghe rawi an tih,” a ta. Nisien- lakhawm, a râlthuom chawitu chun a thaw nuom nawh a, a ṭi êm êm el sih a. Chuleiin, Saula chun kâwlhnâm chu a lâk a, a bawlût tah a.