2 KORINTH 4:1 - Pathien Lekhabu Inthieng (BSI)

¹ Chuleichun, lunginsietna kan hmu ang peia hi rawngbâwlna hi kan nei leiin kan dawl nawh a;

2 KORINTH 4:1 ပူးပေါင်းရင်းမြစ်များ

ISAI 40:30

Tleirâwlhai meu khawm sâwlin châu an ta, tlangvâlhai khawm chu tlu dêr an tih;

ISAI 40:31

LALPA nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl loin tlân an ta; châu loin kein fêng an tih.

JEREMIA 45:3

‘LALPA chun ka natna chunga hin lungngaina chu a belsa si a, ka chung a va rik de! kân rûmna leiin ka chau a, sâwldamna hrim ka hmu nawh,’ i tih a.

LUKA 18:1

Chun, beidawng loin an ṭawngṭai rawp ding a nih ti, inhriettirna dingin an kuomah tekhithu a hril a;

1 KORINTH 3:5

Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

1 KORINTH 7:25

Chun, nunghâk inthieng tieng thua ruok chun Lalpa thupêk hrim ka nei nawh a; nisienlakhawm, ringuma um dinga Lalpa kuoma inthawka lunginsietna hmu ka ni leiin ka ngaituo ang hril ka tih.

2 KORINTH 3:12

Chuongchun, chuong ang bei- seina chu kan nei leiin iengkim kan hril suok hlak a nih;

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni loin, Thlarau rawngbâwltuahai a ni lem; lekha thu ngawt chun a sukhlum hlak sih a. Thlarau ruok chun a sukhring hlak a nih.

2 KORINTH 4:16

Chuleichun, kan dawl nawh a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

2 KORINTH 5:18

Nisienlakhawm, iengkim Pa- thiena inthawka suok a nih; ama chun Krista leiin ama le inremin a mi siem a, inremna rawngbâwl sin a mi pêk a;

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

EPHESI 3:13

Chuongchun, nangni leia rinum ka tuornahai lei hin beidawng lo dingin ka ngên cheu; chuonghai chu in ropuina a nih.

PHILIPPI 4:13

A mi sukhrâttu Krista zâra chun iengkim ka thaw thei a nih.

2 THESSALONIKA 3:13

Unauhai, nangni ruok chun thil ṭha thaw hi nghawk naw ro.

1 TIMOTHE 1:13

Inhma chun hrilsetu le suknawm- natu le sawisatu ni lang khawm, awi naw puma hre loa thaw ka ni leiin zângaina chu ka hmu a nih;

HEBRAIHAI 12:3

In hung sâwl a, in thlarau tieng in hung chau nawna dingin, misuol- hai theidana nasatak tuormuolsuotu ngei chu ngaituo ro.

1 PETER 2:10

Inhma khan mi hrim in ni nawh a, tuhin chu Pathien mi in ni tah a; inhma khan zângaina in hmu nawh a, tuhin chu zângaina in hmu tah a.

THUPUONGSUO 2:3

Selna i nei bawk a, ka hming leiin i tuor tah a, i châu si nawh a.