2 KORINTH 3:5 - Pathien Lekhabu Inthieng (BSI)

⁵ iengkhawm keinia inthawka suoka ruot dingin keini ngawtin kan tlin kan ti nawh a; kan tlin theina chu Pathien kuoma inthawk a ni lem.

2 KORINTH 3:5 ပူးပေါင်းရင်းမြစ်များ

INṬANNA 41:16

Josef chun Pharao chu a dawn a, “Chu chu keimaa um a ni nawh a, Pathienin Pharao chu thlamuong- thlâktakin dawn lem a tih,” a tih a.

2 CHANCHIN SUINA 30:12

Chun, Juda rama khawm chun LALPA thua hotuhai le lal thupêk ang chu thaw dingin inthuruolna Pathienin a pêk a.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni sih a.

LUKA 24:49

Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.

JOHAN 15:5

Kei grêp hrui chu ka nih, nangni a kâuhai chu in nih, tûkhawm keimaa a um zing a, kei khawm amaa ka um zingna chu, ama chu tamtakin a ra hlak; ka ṭhang naw chun iengkhawm in thaw thei si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:18

Jentailhai inâwitir dingin Kristain thilthaw le thu hrilin keima mi hmanga a thilthawhai chau naw chu iengkhawm hril ngam si naw ning a;

1 KORINTH 15:10

Nisienlakhawm, Pathien lung- insietna leiin ka ni ni ka ni tah; chun, a lunginsietna a mi pêk chu a thlâwnin a um nawh a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw nawh a, Pathien lunginsietna ka kuoma um khan a thaw lem a nih.

1 KORINTH 3:10

Pathien lunginsietna ka kuoma pêka um ang peiin in bâwl hotu tak vartak angin keiin lungphûm ka rem a, mi dangin a chungah in an bâwl a, nisienlakhawm, mi tin a chunga bawl dingziea chun fimkhur seng raw hai se.

1 KORINTH 3:6

Keiin ka phun a, Appoloin tuiin a châwm a, nisienlakhawm, Pathienin ân ṭhangtir a nih.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti tah a. Chuongchun, Krista thilthawthei- na chu ka chunga a um theina dingin, lâwmtakin ka hrâtnawnahai hi suong lem tâng ka tih.

2 KORINTH 2:16

pâwl khathai ta ding chun, thinaa inthawka thina ding rim kan lo ni a, pâwl danghai ta ding chun, hringnaa inthawka hringna ding rim kan lo nih.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni loin, Pathien ta a ni thei lemna dingin, chu ro chu pil bêlahai kan kawl a nih.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni sih a.

PHILIPPI 4:13

A mi sukhrâttu Krista zâra chun iengkim ka thaw thei a nih.

2 TIMOTHE 2:2

Chun, hretu tamtakhai laia ka bâua thu i hriethai kha, chuong chu, mi ringum, mi danghai inchûktir sâwng thei dinghai kuoma chun inkawltir rawh.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun dang- lamna le inherna hlim hrim hrim a um thei nawh.