2 KORINTH 11:3 - Pathien Lekhabu Inthieng (BSI)

³ Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

2 KORINTH 11:3 ပူးပေါင်းရင်းမြစ်များ

INṬANNA 3:1

Chun, LALPA Pathienin ramsa a siem po poa chun rûl a var vervêk tak a. Ama chun nuhmei kuoma chun, “Pathienin ‘Huona thei ra hrim hrim hi in fâk ding a ni nawh,’ a ti am a nih?” a ta.

INṬANNA 3:13

Chun, LALPA Pathien chun nuhmei kuoma chun, “I thilthaw hi iengtizie am a na?” a ta. Nuhmei chun, “Rûlin a mi hlêm a ka fâk tah a nih,” a ta.

INṬANNA 3:20

Chun, mihriem chun a nuhmei chu mi hring po po nu a ni leiin a hmingah Evi ân bûk a.

INṬANNA 3:4

Rûl chun nuhmei kuoma chun, “Thi naw tawp in tih;

INPÂKNA HLABU 119:53

Lungninawna nasatak hin a mi tlâk khum a. Mi rilo i dân fesantuhai leiin.

MATTHAI 24:24

Krista tehlêm le zâwlnei te- hlêmhai an hung suok ding a ni sih a; thei hai sien la chu, thlanghai rau khawm an hlêm theina dingin inchik- na le thilmak ropuitakhai thâwng an tih.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:8

mi infuitu khawma infui raw se; thil petu khawmin inro loin pe raw se, rorêltu chun taimatakin ro rêl raw se; mi lunginsiettu khawmin lâwmtakin lunginsiet raw se.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 11:20

Miin suokah siem sienla cheu, fa zo duok sienla cheu, salah man sienla cheu, ama le ama inchawimawi sienla, in hmaiah ben sienla cheu khawm in daw hlak sih a.

2 KORINTH 11:29

Ka hrâtnawpui loa hrâtnaw tu am a um a? ka lungril sukna loa sukthlûk tu am a um hlak a?

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si nawh a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang nawh a, Pathien thu mi hlêmnain kan hmang bawk nawh a; thutak inhriettirin Pathien mit- hmuin mi tin sie le ṭha hrietna mit kan intlungtir lem hlak a nih.

GALATI 1:6

Krista lunginsietna zâra a kotu cheu kha chuong ang thuta chanchin ṭha dang tienga in kai san hi a mak ka ti a nih.

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin inrûkin an lût a.

GALATI 3:1

Aw, Galati rama mi invêthai, tûin am a dâwi cheu a, in mithmu ngeiah Isu Krista chu hemdein chiengtaka inlangtir a ni vei leh?

GALATI 4:11

In ta dingin tha ka sêng thlâwn el rawi am ti hi kân lau pêk cheu.

EPHESI 4:14

Chuongchun, indiknawna zâwr- na angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei nih a,

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

EPHESI 6:24

Ei Lalpa Isu Krista chuoiloa hmangaituhai po po kuomah lunginsietna um raw se.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

KOLOSSA 2:4

Tûkhawma bau thiema an hlêm nâwna ding cheuin, chuong chu ka ti a nih.

KOLOSSA 2:8

Fimkhur ro, chuong naw chun, tûkhawmin Krista thu ang ni loin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

1 THESSALONIKA 3:5

Chuleichun, ka tuor zo ta naw phingleh, thlêmtu chun thlêm thlu hlau rawi a ti cheu a, kan sin inrimna chu thlâwn rawi a tih, tiin in ringzie ka lo hriet theina dingin mi ka hung tir a nih.

1 TIMOTHE 1:3

Makedonia rama ka fe ding laia Ephesia um zing dinga ka ngên che ang khan, mi ṭhenkhathai chu inchûktirna danglam hrim inchûktir lo dinga i kâwk theina ding le,

1 TIMOTHE 2:14

Chun, Adam chu hlêmin a um nawh a, nuhmei ruok chu hlêmin a um a, bawsietnaah a tlu tah a.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

TITA 1:10

Dân ang nawa um, thu hril mei meihai le hlêmtuhai tamtak an um sih a, sertanhai laia mi an ni deu tak.

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

2 PETER 3:17

Chuongchun, dittakhai, nang- nîn chuong thu chu in lo hriet lâwk leiin fîmkhur ro, chuong naw chun, mi suolhai indik nawnaa ṭhuoi hmanga umin, in det ṭhat lai tlu rawi in tih.

2 PETER 3:3

Hi hi hre hmasa unla, ni nu- hnungahai chun nuisantuhai chu, anni châkna anga umin, nuisan pumin hung an ta,

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

JUDA 1:4

Mi tuhai amanih inrûka lût an um sih a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa nei- sun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 12:15

Chun, rûlpui chun tuiin a lên hmang theina dingin nuhmei hnunga chun vadung ang elin a baua tui a pik suok a.

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.

THUPUONGSUO 20:2

Drakon, rûlpui tar chu (chu chu Diebol le Setan a nih) a man a, kum sâng khata dingin a khuop a,